信州日本料理

營業中

休息中

近西環海旁有一間日本居酒屋，食材新鮮，從日本每天新鮮到店，啲精選菜式成日好快賣晒。深海池魚薄切薄切令晶瑩剔透嘅池魚食落口感有彈性，配埋柚子醋更加能夠帶出池魚獨特嘅清香。上刺身拼盤5種拼盤有五款每日新鮮運到嘅時令刺身，今日分別有帶子、甜蝦、深海池魚、油甘魚同拖羅。最喜歡係厚切嘅拖拿甘香肥美，入口即溶，帆立貝滑嫩鮮甜。鮑魚牛油燒鮑魚片伴上菇菌、秋葵及甜椒以牛油炒香，鎖住鮮味，更加突顯鮑魚爽彈嘅口感。牛肋骨串牛肋骨夠晒軟腍，醃醬係店家自己調配，味道甜甜地，同牛肋骨好配襯。燒雞頸肉雞頸肉係平時比較少食到嘅一種部位，食落相當爽口，鮮美多汁。大根饅頭好有創意嘅一道料理，賣相精美，口感軟糯，好似湯圓咁，但係白蘿蔔的味道～魚湯烏冬烏冬係傳統嘅讚岐烏冬，口感煙靭有彈性，魚湯底用咗刺身魚嘅魚骨，用6,7小時熬製而成，含豐富骨膠原，冬天飲特別暖胃。