Sushi Hana

營業中

休息中

今日同朋友二人去咗大坑呢間壽司店食廚師拍板午餐。$540一位，有12件壽司加兩個卷物。一入去環境，大概坐到六至七個人嘅壽司枱。大概等咗10分鐘，廚師就拿出一個盒子，將約10塊不同的魚生壽司拿出來。再逐一包上壽司飯。壽司醋飯好味，唔會太冧或者太酸，細細舊唔會令到你食到好飽。因為食咗10幾款唔同嘅壽司，真係講唔出每款係乜嘢嘅魚。依間店舖用嘅醬汁，比較簡單，不會有太花巧的裝飾，多用天然食材襯托魚生，例如海鹽，柚子，紫蘇葉，青檸等等。整體食物新鮮好味。印象比較深刻嘅係帶子，鮮蝦，海膽同埋鯖魚卷物，好鮮甜，不過略嫌廚師較為吝嗇，魚生好薄身，將隻帶子一分為二，即每人只有半舊薄片。最後附送咖啡或雪糕，我揀咗咖啡，幾濃味的日式咖啡🥰總括而言，食材新鮮好味，但因為魚生比其他omakase薄, 個人覺得性價比比較低，男仔食完呢個套餐應該會肚餓。相信這個價錢可能有其他更好的選擇。