影片
更多
2021-07-14
36 瀏覽
為咗慶祝我同男朋友仔嘅周年，佢揀咗呢一間餐廳～齊齊食兩個廚師發板！每一個廚師發板都包括左：先付、刺身、壽司、和食料理、汁物、果物。先付溫泉蛋櫻花蝦 初生蛋、汁煮鮑魚 三文魚子高糖份蕃茄配食用金萡。特別想提初生蛋：一吉就爆曬蛋汁，撈埋鹹鹹地嘅櫻花蝦同甜甜嘅醬汁，幾夾，食完相當回味。汁煮鮑魚好入味，肉質爽口，係奢華享受嘅前菜。刺身左口魚、深海池魚 、鰤魚、日本珍珠蠔 、新鮮帆立貝、池魚他他、鰹魚。左口魚刺身上灑上柚子皮，另配酸汁。師傅推薦可以甩啲紫疏花既花瓣，捲起食，的確唔錯。深海池魚 / 鰤魚呢兩個刺身師傅俾左一個背一個腩位，背位主要加咗豉油同Wasabi，鰤魚既腩位經師傅燒一燒逼出左啲油份，入口油香好重！日本珍珠蠔 雖然唔係好大隻但係都非常鮮甜、有厚度而且帶有淡淡海水鹹味，加上黑魚子仲多份口感，另外好喜歡餐廳係蠔上加上酸汁啫喱！中間仲上咗一個舞蓉姑清湯，略有點鹹但有好香嘅菇蓉味，用嚟清一清喉嚨都唔錯！和食料理平靜魚魚鮫 、海膽蛋黃醬大蝦、沖繩豬手 魚鮫 煎得香口，夠脆略帶點粗骨；沖繩豬手超級入味，好濃好淋，滿滿嘅骨膠原！海膽蛋黃醬大蝦，蝦肉容易離殼，海膽燒完有焦燶嘅香，兩者好夾。壽司金
為咗慶祝我同男朋友仔嘅周年，佢揀咗呢一間餐廳～齊齊食兩個廚師發板！每一個廚師發板都包括左：先付、刺身、壽司、和食料理、汁物、果物。
先付
溫泉蛋櫻花蝦 初生蛋、汁煮鮑魚 三文魚子
高糖份蕃茄配食用金萡。特別想提初生蛋：一吉就爆曬蛋汁，撈埋鹹鹹地嘅櫻花蝦同甜甜嘅醬汁，幾夾，食完相當回味。汁煮鮑魚好入味，肉質爽口，係奢華享受嘅前菜。
刺身
左口魚、深海池魚 、鰤魚、日本珍珠蠔 、新鮮帆立貝、池魚他他、鰹魚。左口魚刺身上灑上柚子皮，另配酸汁。師傅推薦可以甩啲紫疏花既花瓣，捲起食，的確唔錯。深海池魚 / 鰤魚呢兩個刺身師傅俾左一個背一個腩位，背位主要加咗豉油同Wasabi，鰤魚既腩位經師傅燒一燒逼出左啲油份，入口油香好重！日本珍珠蠔 雖然唔係好大隻但係都非常鮮甜、有厚度而且帶有淡淡海水鹹味，加上黑魚子仲多份口感，另外好喜歡餐廳係蠔上加上酸汁啫喱！
中間仲上咗一個舞蓉姑清湯，略有點鹹但有好香嘅菇蓉味，用嚟清一清喉嚨都唔錯！
和食料理
平靜魚魚鮫 、海膽蛋黃醬大蝦、沖繩豬手
魚鮫 煎得香口，夠脆略帶點粗骨；沖繩豬手超級入味，好濃好淋，滿滿嘅骨膠原！海膽蛋黃醬大蝦，蝦肉容易離殼，海膽燒完有焦燶嘅香，兩者好夾。
壽司
金木鯛、真鯛、銀鱈魚 、依佐目、燒拖羅、
新鮮鯖魚、北海道馬糞海膽、牡丹蝦、拖羅。
特別想講銀鱈魚，好香魚油好肥美，入口即溶，配上三星漬（係北海道特產）令整件壽司帶點鹹香。依佐目有半生熟嘅口感，唔腥並帶有蔥香，幾點清新，師傅更加上四季紅 （一種香草），食完帶點微辣，幾特別嘅口感！
北海道馬糞海膽 超新鮮，餐廳傍晚先返貨，真係早少少都冇得食。呢種海膽帶點回甘，唔鹹，入口又係即溶！
牡丹蝦係最欣賞嘅壽司之神，呢度嘅蝦好唔同，無蝦尾，蝦頭。反而將成個蝦頭既膏燒到半溶鋪上刺身上，入口爽滑帶點微暖，蝦膏好夠香。
汁物
魚奶湯真係好想encore ！熱辣辣上枱，好鮮甜，湯品呈奶黃色～飲到一滴不剩！
成餐飯係享受模式，食咗足足2.5小時！亦都好多謝師父每一碟餸菜嘅介紹！真係非常滿足嘅一餐
願我同男朋友嘅每一餐都食好西介紹俾大家！！！
張貼
