影片
更多
2024-03-08
57 瀏覽
同朋友行完 M+ 博物館，過返嚟圓方搵食。喺水區 1 樓見到呢間新開拉麵店。餐廳致力將新鮮食材由海洋帶到餐桌，而品牌概念嘅的靈感係源自與大海共存。餐牌選項都幾豐富，除咗主打嘅海鮮拉麵外，另外亦有茶漬飯套餐、定食、丼飯及一品料理等供應。點咗👇濃厚鯛白湯拉麵 ($138) 湯底呈奶白色，以新鮮鯛魚熬成，入口味道非常鮮甜，濃郁潤滑，完全沒有丁點腥味，魚香十足。麵條煙韌有彈性，掛湯力甚強。配料下得非常慷慨，有嫩燒鯛魚塊、煙低溫腩肉叉燒、慢煮豬肩叉燒、煙燻日本溏心蛋、紫洋蔥和竹筍等。魚塊厚薄適中、肉嫩味鮮；豬肩叉燒肥瘦均勻、肉汁豐腴。A4和牛飯套餐 (茶漬) ($258) 和牛色澤紅潤，油脂分布平均，肉質粉嫩，入口肉味好香濃。將茶湯加入飯內，飯粒飽滿，入口帶淡淡茶香，風味果然不同，暖胃又充實。另外仲加咗兩款小食西班牙豬肉餃子 ($58) 同 蔥花牛舌 ($78)，餃子煎得很香脆，餃皮唔會太厚，豬肉餡好新鮮，肉味濃郁，質感嫩滑，一咬爆汁！牛舌燒至 5 成熟，肉質爽脆，不會太腍太韌，食落彈牙又唔嚡口，配埋啲蔥花，香口惹味。
同朋友行完 M+ 博物館，過返嚟圓方搵食。喺水區 1 樓見到呢間新開拉麵店。
餐廳致力將新鮮食材由海洋帶到餐桌，而品牌概念嘅的靈感係源自與大海共存。
餐牌選項都幾豐富，除咗主打嘅海鮮拉麵外，另外亦有茶漬飯套餐、定食、丼飯及一品料理等供應。點咗👇
濃厚鯛白湯拉麵 ($138) 湯底呈奶白色，以新鮮鯛魚熬成，入口味道非常鮮甜，濃郁潤滑，完全沒有丁點腥味，魚香十足。麵條煙韌有彈性，掛湯力甚強。
配料下得非常慷慨，有嫩燒鯛魚塊、煙低溫腩肉叉燒、慢煮豬肩叉燒、煙燻日本溏心蛋、紫洋蔥和竹筍等。魚塊厚薄適中、肉嫩味鮮；豬肩叉燒肥瘦均勻、肉汁豐腴。
A4和牛飯套餐 (茶漬) ($258) 和牛色澤紅潤，油脂分布平均，肉質粉嫩，入口肉味好香濃。將茶湯加入飯內，飯粒飽滿，入口帶淡淡茶香，風味果然不同，暖胃又充實。
另外仲加咗兩款小食西班牙豬肉餃子 ($58) 同 蔥花牛舌 ($78)，餃子煎得很香脆，餃皮唔會太厚，豬肉餡好新鮮，肉味濃郁，質感嫩滑，一咬爆汁！
牛舌燒至 5 成熟，肉質爽脆，不會太腍太韌，食落彈牙又唔嚡口，配埋啲蔥花，香口惹味。
張貼
