影片
更多
2023-06-14
32 瀏覽
前兩日係好朋友嘅生日，於是book咗呢間意日fusion餐廳同佢慶祝生日。餐廳空間感十足，環境簡約舒適，幾適合一家大細過嚟用餐，而且餐廳係pet friendly，可以帶寵物入室內用餐。嚟緊父親節，都會想帶屋企人嚟慶祝一下。食物款式方面，有冷熱前菜、意大利飯、意粉、主菜、pizza、甜品同飲品等等，另外更有set dinner，選擇豐富。餐廳會比每台客人一籃麵包，分別係蒜蓉包同洋蔥包，麵包香脆，可以自行點油醋醬食。新鮮紐西蘭白酒煮青口($238)青口份量幾多，而且大大隻，青口肉飽滿脹卜卜，調味唔會好濃，食到食材原有既鮮味。廣島蠔周打湯($88)蠔既周打湯第一次飲，幾特別，湯既濃稠度適中，食到洋蔥、薯仔粒同原隻廣島蠔，口感豐富，而且蠔嘅鮮味幾出，個人幾中意！燒鹿兒島黑毛豬排骨($288)豬排骨燒得幾香，表面微脆 ，肉質都算腍，有肉香，脂肪位置帶油香，唔洗點醬就咁食都夠味。另外更配紫菜薯條同埋烤蔬菜，質素都唔錯~蒜片辣椒意粉($138)意粉軟硬適中，有咬口，幾香蒜味，辣辣地幾惹味。
餐廳空間感十足，環境簡約舒適，幾適合一家大細過嚟用餐，而且餐廳係pet friendly，可以帶寵物入室內用餐。嚟緊父親節，都會想帶屋企人嚟慶祝一下。
食物款式方面，有冷熱前菜、意大利飯、意粉、主菜、pizza、甜品同飲品等等，另外更有set dinner，選擇豐富。
餐廳會比每台客人一籃麵包，分別係蒜蓉包同洋蔥包，麵包香脆，可以自行點油醋醬食。
新鮮紐西蘭白酒煮青口($238)
青口份量幾多，而且大大隻，青口肉飽滿脹卜卜，調味唔會好濃，食到食材原有既鮮味。
廣島蠔周打湯($88)
蠔既周打湯第一次飲，幾特別，湯既濃稠度適中，食到洋蔥、薯仔粒同原隻廣島蠔，口感豐富，而且蠔嘅鮮味幾出，個人幾中意！
燒鹿兒島黑毛豬排骨($288)
豬排骨燒得幾香，表面微脆 ，肉質都算腍，有肉香，脂肪位置帶油香，唔洗點醬就咁食都夠味。另外更配紫菜薯條同埋烤蔬菜，質素都唔錯~
蒜片辣椒意粉($138)
意粉軟硬適中，有咬口，幾香蒜味，辣辣地幾惹味。
張貼
