一樂小鍋 (已結業)

食材新鮮！蟹 蜆 鮮魷 聖子 全部都好鮮甜 好味！炸魚皮好新鮮好脆。其他材料正常發揮。湯底比較淡，不過海鮮自己本身夠甜唔使點醬油都ok。最後老闆仲幫我哋煮埋蠔仔粥非常完美完結一餐。仲要只係248蚊一位非常難得！cp值超高！知道老闆做埋今日（9月3日）就要停業14日因為下午畀人捉食客無用安心出行。希望住附近嘅朋友多啲去支持佢地！買多啲外買等佢可以有番啲生意做！今晚見到老闆娘好愁希望佢地繼續堅持！14日好快過！我哋會繼續支持你㗎！大家記住去自己友餐廳食飯 唔嘟安心出行都要寫紙仔！唔好偷懶！唔係只會累人累己！