有蒸氣 海鮮石鍋專門店 (已結業)

要講咁多種海鮮既食法，我特別鍾情清蒸，因為我覺得清蒸先可以真實咁帶出海鮮最新鮮最爽甜既一面，近年好流行既蒸海鮮餐廳絕對係我杯茶。今晚去左呢間有蒸氣海鮮石鍋專門店，質素甚高，價錢又合理，值得再番食。叫左個$328海鮮set, 首先黎既係黑松露燉蛋，燉蛋好滑，加埋陣陣既黑松露清香，作為頭盤味道一流又有暖胃既感覺。食完頭盤就開始到主菜海鮮，值得一提既係基本上叫完餐之後就可以坐定定等食，因為餐廳侍應會幫你蒸海鮮果一part, 咁就可以確保海鮮喺最佳狀態。今晚食左既海鮮有蜆，鮑魚，帶子，桶蠔，蝦，鮮魷，另外仲有豬肉丸，墨魚丸同勝瓜。基本上全部海鮮都真係新鮮感滿分，特別係鮑魚同帶子真係好鮮甜又大隻，份量十足。豬肉丸同墨魚丸都係新鮮手打，幾特別。最後我揀係湯底，個湯盡收全部海鮮既精華，真係無得彈！