旅鍋火鍋私房菜專門店 (已結業)

今日慶祝朋友生日，佢竟然揀食打邊爐，咁麻甩嘅選擇梗係奉陪啦！所以就揀咗間比較新嘅火鍋舖，呢間仲要喺地庫嘅，好彩廣告牌都好顯眼，如果唔係應該好難搵到！一坐低，勁多選擇，有好多牛好多海鮮好多丸類嘅選擇！睇見都流口水！而家仲做緊唔同部位牛嘅優惠價，可以用平啲嘅價錢是都唔同牛嘅部位！咁我哋梗係唔好放過啊，嗌咗五花趾！牛味超香濃！好大碟都好快俾我哋一次過食晒！之後我哋仲叫咗個二至四人套餐，有包埋火鍋湯底，同埋唔同嘅火鍋料！都只係$438！真係抵到爛！又有丸，同埋三款牛，仲有返埋菜同埋烏冬！如果細食啲嘅話，應該都夠飽！而我哋仲叫咗啲海鮮，買咗鮑魚同埋蜆，海鮮方面都幾新鮮，以前嘅話如果唔新鮮會包換，咁樣嘅服務態度，都幾唔錯，起碼食物質素有保證！