岩鹽日本料理 (利舞臺廣場) (已結業)

位於銅鑼灣利舞臺 16/F，店內環境舒適，裝修別緻，座位大部分係卡位，坐得比較舒服。今日一行四人嚟食，叫咗三個定食，再叫咗兩個沙律，一碟牛舌，而定食方面都會包沙律、味噌湯、飲品或雪糕，相當豐富。🔝本生塊牛扒已經有兩成熟，再按個人喜好去燒。牛扒我地燒到六成熟，牛味重，呢個價錢食呢款牛嘅質素已經好好。而呢個定食包埋刺身、飯同沙律，本人覺得好抵食。🔝呢個飯可以唔洗叫，鵝肝唔香，牛小排好嚡口，飯無味，都幾難食。🔝壽司有三文魚2件，油金魚，吞拿魚，帶子，牡丹蝦，海膽，赤身，時令魚，卷物3件食材新鮮，壽司款式豐富，帶子厚肉甜美。而烏冬口感都算煙韌，值得一試。🔝吞拿魚茸夠多，滿足到口感，如果香蔥再多少少就更加好。🔝食材新鮮，日本蕃茄好juicy，聞落淡淡松露味，再配上水牛芝士，令人更加開胃。🔝上層有紅豆蓉同紫薯蓉，底下有蟹籽薯仔沙律，味道不錯。🔝牛香味重，肉汁豐富，口感爽脆，好好食。