Goldfinch (已結業)

今晚的晚餐非常滿意，第一道菜由廚師親自拎過嚟，閒談兩句，非常欣賞廚師煮食嘅理念，亦好欣賞佢大膽創新嘅食材配搭，每一道菜都有小驚喜😍餐牌簡單直接，一人揀一個頭盤一個主菜就搞掂，唔使三心兩意！先來拖羅小金杯，中拖羅配青提子，提子嘅酸甜正好中和拖羅嘅油膩感，呢道菜嘅驚喜在於鰹魚芥辣啫喱，細細粒透明嘅啫喱味道豐富濃郁，令拖羅嘅味道更加突出👍🏻另一個頭盤系花生醬牛尾肉球，呢個頭盤都有啲飽肚感。 牛尾都煮得幾淋，菲律賓蝦醬好有提鮮嘅效果，鐘意濃味嘅朋友會鐘意呢個dish!第一個主菜系牛仔面頰肉配燒鵝油千層薯，牛仔肉上面加咗少少魚腥草，真系估佢唔到，放埋一齊好特別，味道即刻醒神咗！千層薯系我好鐘意嘅食物，用燒鵝油比用牛油更多香，雖然邪惡但真系好好食🤭第二個主菜系侍應姐姐強力推薦嘅八寶釀乳鴿，真系無令我失望🙂 乳鴿一拎上枱已經聞到好香嘅味道，切開之後系好好食、好足料嘅紫米飯，食到好多瑤柱同埋羊肚菌！呢個真系必食推介👍🏻甜品揀咗腐皮拿破侖😂 呢個甜品系全餐飯最驚喜嘅菜式，冇諗過可以將腐皮整脆來做拿破侖，簡直系顛覆咗我對腐皮嘅認知！用腐皮做拿破侖比酥皮感覺清新啲，而且多咗豆香，都幾夾幾好食。成餐飯都好有驚