澳門台山水佬榮火鍋專家 (已結業)

水佬榮個名都聽咗好耐，今日一於就去試吓，去到樓下見到好多明星相，有古天樂，農夫，鄭中基，鄧麗欣，吳雨霏等等，好多明星都去食，見到枱面有個推介必食嘅花甲蟹煲就一於試吓啦，有微辣、小辣、中辣、大辣同唔辣，我哋就要左微辣，因為有小朋友一齊食，個鍋一嚟到隻蟹超大隻，花甲超級多，食到最後都食唔晒啲花甲，真係好抵食，配料我哋叫咗花膠，芋頭豬肉丸（豬肉配芋頭勁香），粟米墨魚丸（香甜彈牙，粟米粒係用新鮮嘅粟米），鵝腸（超肥美），蟹棒（係用日本蟹棒），三層牛肉（有牛舌芯，出邊唔係咁容易食到，彈牙咬口）食材非常之高級，個個朋友都大贊呢間係最好食嘅火鍋店！