沙田頭火鍋 (已結業)

同事介紹旺角沙田頭火鍋有多款湯底選擇，食材新鮮，價錢公道。今晚同埋老公過嚟試吓。店內環境簡潔，店員招呼週到。椰子文昌雞鍋半隻：湯底都好足料，除咗有粟米、椰子、大蔥、杞子，店員還將整個椰青水倒入湯內，待湯底滾起時，將另上的文昌雞放入鍋內，滾一會兒就食得。湯底有好香椰子味，味道香甜，文昌雞皮薄嫩滑。我哋幾乎將成鍋湯飲晒，最後要加湯打邊爐。西班牙黑毛豚肉片：黑豚肉油脂分佈均勻， 口感細嫩，肉質柔軟，且帶有濃濃香甜， 而且不油膩， 不會乾乾澀澀，反而嫩中帶脆， 口感和味道都是絕佳。加拿大桂花蚌：好新鮮冇雪味，只需放入湯內數十秒即可食用，爽脆彈牙帶鮮味。嫩滑燉鴨血：鴨血滑嫩，有益健康嘅食品。椒鹽脆豆腐：豆腐炸至金黃色，外脆內滑，一口一舊，佐酒一流！