意大利餐廳 (已結業)

昨日生日，先生同我食生日飯。本來諗住去愉景灣，但全日都好大雨，決定留返係東涌食。係海堤有幾間西餐廳，不過呢間係最多人，包括鬼佬和香港人。雖然成日食佢既外賣（外賣好抵和好味），但都決定食呢間。環境：有室內和室外，室外好多鬼佬通常較嘈，室內通常係香港人，但我地張臺冷氣機滴水非常嚴重，揀位時要小心！叫左個頂級肉眼、紐西蘭牛柳同埋Tiramisu.頂級肉眼叫左medium rare，雖然好軟好淋，但我覺得生左少少，同埋好多肥羔，反而配菜沙律非常新鮮。紐西蘭牛柳要全熟，我先生覺得好軟熟又好味，係encore 之作，反而薯蓉一般。Tiramisu 最抵食$55大大件仲有兩球朱古力雪糕，因為好飽，所以覺得味道一般。但絕對值得叫。基本上呢間餐廳質素幾高，暫時食過無論外賣和堂食都好味，所以會再黎試唔同既野。