影片
更多
2017-11-02
74 瀏覽
住喺港島區嘅我，嚟到大埔呢一邊我每一次都必食呢一間日本嘢，因為佢嘅價錢十分之平，質素亦都好高，位置亦都坐得好舒適，好值得食。晚市佢會有套餐，鍾意食平靚正嘅我首先梗係望吓張菜單上面最平嘅係乜嘢啦，估唔到一個套餐最平只係＄38，你冇聽錯我亦都冇講錯，係＄38！有一條原條嘅秋刀魚配白飯，如果喜歡嘅話仲可以優惠嘅價錢加三文魚刺身六片都係＄68。今日我就揀咗個二人嘅套餐，因為比較多嘢食。可以滿足晒我又想食多款式，但係個份量又唔食得好多嘅人。蟹籽沙律同芝麻八爪魚做前菜冇得輸，個個人都會岩食。刺身五點(師傅發板) ，今日有三文魚腩3片、赤身3片、油甘魚3片、左口邊3片、八爪魚3片。真係睇個樣都已經好吸引，我今次特別要介紹嘅就係呢個左口邊，出面平時好少見有呢一樣野，口感食落去爽口，味道鮮甜，好值得試吓。鹽燒鯖魚外面燒到脆卜卜，帶點鹹香，入邊嘅肉有咬口，唔會乾身。雞肉軟骨棒同煙肉車厘茄串，我個人就鍾意食呢一個雞肉軟骨棒，佢係將啲雞肉同雞軟骨攪碎，咬落去軟熟，好似雞肉餅甘，再點小小醬汁仲好食。壽司四件有三文魚，油金魚，赤貝同八爪魚。個飯嘅味道調得幾好，而且大細適中。其實成個餐來講我覺得唔只兩個人食，起碼三
晚市佢會有套餐，鍾意食平靚正嘅我首先梗係望吓張菜單上面最平嘅係乜嘢啦，估唔到一個套餐最平只係＄38，你冇聽錯我亦都冇講錯，係＄38！有一條原條嘅秋刀魚配白飯，如果喜歡嘅話仲可以優惠嘅價錢加三文魚刺身六片都係＄68。
今日我就揀咗個二人嘅套餐，因為比較多嘢食。可以滿足晒我又想食多款式，但係個份量又唔食得好多嘅人。
蟹籽沙律同芝麻八爪魚做前菜冇得輸，個個人都會岩食。
刺身五點(師傅發板) ，今日有三文魚腩3片、赤身3片、油甘魚3片、左口邊3片、八爪魚3片。真係睇個樣都已經好吸引，我今次特別要介紹嘅就係呢個左口邊，出面平時好少見有呢一樣野，口感食落去爽口，味道鮮甜，好值得試吓。
鹽燒鯖魚外面燒到脆卜卜，帶點鹹香，入邊嘅肉有咬口，唔會乾身。
雞肉軟骨棒同煙肉車厘茄串，我個人就鍾意食呢一個雞肉軟骨棒，佢係將啲雞肉同雞軟骨攪碎，咬落去軟熟，好似雞肉餅甘，再點小小醬汁仲好食。
壽司四件有三文魚，油金魚，赤貝同八爪魚。個飯嘅味道調得幾好，而且大細適中。
其實成個餐來講我覺得唔只兩個人食，起碼三個人食都會夠。如果女士嘅話其實四個人食都不為過，因為除咗上面咁多嘢食之外仲會有一個種牛炒飯，足足有兩碗白飯，再加埋啲配料落去一齊炒，真係好飽架。
如果唔係好似我咁為食的話，其實一個簡簡單單嘅餐已經夠一個人食，一個平均＄40嘅餐，兩個人埋單都係＄100多啲，你話係咪好抵呢。
張貼
