影片
更多
2019-09-13
127 瀏覽
日本有句說話叫「食欲之秋」，秋天係食材豐收季節，蔬果肉魚都特別鮮美，絕對係食「廚師發辦」Omakase嘅最合適季節。適逢老友生日，今次就由我做東請佢食好西。餐廳喺銅鑼灣食街登龍街嘅V Point。地方都幾寬敞，燈光明亮，播放住柔和嘅音樂，感覺舒服。 我哋就坐喺圓型料理枱嘅座位享受師傅精心制作嘅Omakase。Omakase set 楓$850【前菜】係熊本番茄。剝咗皮，淋上和風汁，下面有海藻。番茄味道清新，酸中帶甜，用透明玻璃碟裝住，好有清涼感覺，夏天食更覺開胃。【旬の刺身】有時令嘅𩶘魚、拖羅同海膽刺身。擺碟精緻，𩶘魚半透明嘅肉色再加紫紅色嘅邊皮，好似花瓣，再加食用花點綴，真係好似一幅畫。𩶘魚落咗柚子粉，味道帶少少果味嘅酸甜，幾特別。想再酸甜啲可以蘸特別準備嘅酸汁+蘿蔔蓉+香蔥。拖羅同海膽都係「賣飛佛」，一次過放晒入口，大滿足！不得不提嘅係點綴嘅食用花，食完成口花香。【小食】係合桃小女子，小女子係魚名嚟，第一次聽，呵呵。【燒き物】陶燒太刀魚，魚皮燒到皮帶脆，用鰻魚汁燒甜得嚟惹味。【旬の寿司】加拿大牡丹蝦，落咗日本醬油，不過最「畫龍點睛」嘅係上面一條小小嘅芬蘭刁草，除咗鮮爽牡丹蝦仲有清香
餐廳喺銅鑼灣食街登龍街嘅V Point。地方都幾寬敞，燈光明亮，播放住柔和嘅音樂，感覺舒服。 我哋就坐喺圓型料理枱嘅座位享受師傅精心制作嘅Omakase。
Omakase set 楓$850
【前菜】係熊本番茄。剝咗皮，淋上和風汁，下面有海藻。番茄味道清新，酸中帶甜，用透明玻璃碟裝住，好有清涼感覺，夏天食更覺開胃。
【旬の刺身】
有時令嘅𩶘魚、拖羅同海膽刺身。擺碟精緻，𩶘魚半透明嘅肉色再加紫紅色嘅邊皮，好似花瓣，再加食用花點綴，真係好似一幅畫。𩶘魚落咗柚子粉，味道帶少少果味嘅酸甜，幾特別。想再酸甜啲可以蘸特別準備嘅酸汁+蘿蔔蓉+香蔥。拖羅同海膽都係「賣飛佛」，一次過放晒入口，大滿足！不得不提嘅係點綴嘅食用花，食完成口花香。
【小食】係合桃小女子，小女子係魚名嚟，第一次聽，呵呵。
【燒き物】陶燒太刀魚，魚皮燒到皮帶脆，用鰻魚汁燒甜得嚟惹味。
【旬の寿司】加拿大牡丹蝦，落咗日本醬油，不過最「畫龍點睛」嘅係上面一條小小嘅芬蘭刁草，除咗鮮爽牡丹蝦仲有清香感覺，配搭一絕。
赤貝，師傅用手一拍赤貝好似開花咁散開，幾搞鬼，口感非常爽脆。
左口魚邊，用刺身豉油搽過再火炙，魚油爆晒出嚟，超級香口，太好食，好想encore T_T。
秋刀魚，時值初秋，魚味特別濃，上面放咗少少薑蔥，味道好有中國風，好特別。
熟成拖羅，餐廳醃制再經過十日，魚油豐富，上面紫蘇花，魚油香花香配搭，又一佳作。
北海道海膽，要快食先可以食到勁脆口感嘅紫菜，海膽極鮮甜，絕對上品。
【味噌汁】大和蜆味噌汁，大和蜆細細粒但幾鮮美。
【甜品】日本產嘅水果世界聞名，香印提子係提子中嘅皇者，初秋係當造季節，皮薄鮮甜。靜岡蜜瓜就好juicy，甜蜜爽口。
師傅細心介紹每一道菜，睇得出係擺咗好多心思構思嘗試不同配搭制作出每道菜式。除咗食物，店員服務到位，甚至餐具用碟都好鬼靚，唔止我哋食到飽，連相機都飽晒。
張貼
