Le Grande Bleu (已結業)

好朋友生日除左要食餐好，最緊要飲得夠，咁我諗住拎咗2支酒過嚟去開黎嘅時候，侍應同我講餐廳推出咗任飲有汽酒同埋紅白酒，百幾蚊一位真係唔使諗，開瓶器都慳返，最開心係有sparkling wine !!我哋點咗套餐，有齊前菜，主菜同甜品，前菜蘑菇湯超級足料，每一啖食到一粒粒蘑菇，好香好濃，三文魚蓉配新鮮帶子，配麵包一齊食，好夾好好味。最精彩係有鮑魚，切埋片夠晒細心，入口好彈牙，擺盆亦非常精緻。主菜牛柳五成熟剛剛好，唔會出血水，但係肉質正合我心意，最鍾意好重牛味，朋友嘅豬柳食做得好出色，任飲紅白酒，最好嘅地方就係可以每一道菜，配返唔同嘅酒去品嚐，簡直係提升味道。最後仲有三個唔同口味嘅意大利飯，有淡味開始食到濃味啊，我最鍾意都係鮑魚意大利飯，中西合璧嘅感覺，好味之餘亦好有驚喜。生日點可以無蛋糕，竟然太大意無叫餐廳寫字，不過好朋友都唔會介意呢啲細節，大家都好滿意呢一餐，而且最開心係不停傾偈不停飲，非常滿足嘅一個晚上。