隆姐泰國美食館 (已搬遷) 新店位置

今日同女朋友同埋佢家姐三個人一齊去咗九龍城食泰國嘢，由於食開隆姐所以就照樣宜度啦👍每次食泰國嘢都一定先叫碟生蝦以前有試過食過啲係好唔新鮮既蝦但今次隆姐啲蝦係好新鮮而且好夠凍食落夠彈牙再配上自家制辣汁, 惹味得黎好過癮👌再黎一碟金邊粉味道不過不失 無驚喜又無失望 👍由於店舖係無提供牛肉,所以淨係得豬同雞既生菜包經過店員推介下叫左個豬肉既份量足夠而且味道都唔錯, 味道酸酸地又淡淡肉配埋新鮮生菜食可以中和返豬肉既肥膩感👎唯一既唔好係生菜份量比較少, 可能要每次豬肉既份量要包得比較多, 如果唔係就會有好多豬肉剩剩左都唔緊要既, 店舖會有生菜單點, 價錢係五蚊一碟野飲就叫左兩個一個椰青同一杯珍多冰👌椰青味道都幾清新, 唯獨係未夠熟, 椰肉好難先挖倒出黎食👍👍而珍多冰係每次黎都會叫既,椰奶味十足,再加上條狀椰子糕,誠意推介由於冬陰功同海鮮冬陰功價錢係一樣,所以我地都係叫左個有海鮮既👍個湯夠酸又夠辣,而且海鮮都幾足料,可以一試👎要小心如果飲唔哂又坐熱緊果陣,個湯會變得愈黎愈辣,如果唔食得好辣既朋友要小心,最好快啲飲哂👌椰菜苗又係每次都會叫, 而今次轉做普通煮法味道就麻麻地,如果轉返泰式既話應該會好好