隆姐泰國美食館 (已搬遷) 新店位置

今日行過九龍城，好想食秦國野，聽朋友講隆姐好正，就入左去食。３個人叫左咖哩蟹 ３小辣 生蝦刺身 蝦餅 蠔餅同炒金邊粉。咖哩蟹 有麵包包住 好入味 叫左３小辣唔太辣蠔餅好多料 旦好香蝦餅正常野飲叫左幾支紅牛 少甜 唔錯樣樣都好好食 會再來 

店名：龍城南角道18號地下 G/F 18 Nam Kok Rd., Kowloon City 電話: 23821348 光顧日期: 2020年5月1日及6月7日   (1) 海鮮炒飯，$58；(2) 雜燴湯河，$45；(3) 泰式柚子沙律，$55；(4) 紫米露(贈送)，(5) 菠蘿炒飯，$58；(6) 泰式煎蠔餅；(7)醃海鮮沙律。食物的色香味如何：所有食物新鮮熱辣，海鮮炒飯炒得很香和辣味濃郁，色澤較深； 菠蘿炒飯同樣炒得濃郁，放數片臘腸、葡萄乾和肉鬆在飯裡，份量多，有特色。雜燴湯河創新地使用南乳紅色湯底，味道鹹香，不錯。跟冬蔭功湯底同樣理想；而雜燴的材料選用扎肉與肉丸，也非一般的豬雜湯河。同樣不易在其他店舖找到的菜色，就是芽菜柚子，柚子肉厚，沙律也非一般落沙律醬的沙律。紫米露的紫米大粒彈牙，香甜和滑流，具有芋頭香味:黑珍珠龍眼冰消暑解渴，黑珍珠有點像台灣的山粉圓。醃海鮮沙律海鮮多，而且酸辣味充足。泰式煎蠔餅有點像潮式的，而表現平平。賣相得體。環境：地方闊大，客人眾多，非常熱鬧。服 務：優異，十分滿意。那天我行山行累了，關節極度痛楚而扶著Stick，那些服務員叫我小心慢行。衛生：可好

九龍城一向出名食泰國菜，但未必間間都好食，呢一間我已經食過好多次，味道正宗之餘價錢非常合理，值得推介。泰式炸蝦餅$68/pieces外層炸的非常香脆可口，裡面的蝦肉彈牙得黎很juicy，大大舊好正。泰式辣椒膏炒大蝦$198我好鍾意呢度嘅咖喱，辣中帶甜惹味又開胃，大蝦夠大隻啖啖肉。強烈建議配搭蒜蓉包一齊食，超正！好多地方叫咖喱大蝦起碼2百幾，所以呢間算真係好抵食。蒜蓉炒椰菜苗$65因為已經叫左好多濃味既菜式，所以就揀清清地既蒜蓉炒椰菜苗。椰菜苗新鮮爽口，色澤好靚，就算係炒都唔會好油。海南雞飯$45油飯有油香味，但係唔會太油膩，粒粒分明。雖然個海南雞唔係無骨，但勝在雞有雞味，而且份量都幾足。

九龍城食泰國菜? 一定係 #隆姐 ~~😋: 4.0 💸:$250~~#肉碎生菜包 生菜好新鮮，豬肉碎咸味適中,帶少少酸味係生菜包其中一個靈魂😋咖哩蝦黃咖哩汁濃郁，微甜不辣，脆脆蒜蓉包沾著吃最合適。#軟殼蟹原隻軟殼蟹，炸得香脆，大量炸蒜的味道，讓人吃完蟹之後仍回味。

🥳歡樂美味既泰國菜😆😆😆.話說就係同一大班同事黎賀升職😝再好味既野自己一個食係冇意思架😙泰國既同事都介紹黎呢間泰國🇹🇭野食，值頭係信心既保證👍🏻👍🏻👍🏻生蝦鮮甜爽口彈牙🤤加埋佢地個醬汁🤩無敵Mode 啦！.生菜肉碎包啲肉碎係少有既唔辣😋就咁食就已經好正喇真係！大大隻既糯米釀雞翼可以一隻開3份都唔覺細，啲糯米煮得夠香夠淋，連老人家都食到😍😍仲有個泰式鹽燒鯽魚，火喉岩岩好，一黎到就比我地拆晒骨😝串燒加沙嗲醬做得仲好過上次係新加坡沙嗲灣食既🙈炸物方面呢度普通左啲未有其他野做得咁出色😛不過各樣呢度都真係做得唔錯👍🏻超岩大班人黎食👏🏻👏🏻👏🏻

原先嚟呢頭食嘢係衝着（泰農菜館）冇諗過佢哋捱 唔到沙中線就結業😢隆姐呢個鋪位係新裝修，我哋見到多人食就試吓啦！ 兩個人叫咗三樣嘢食：菠蘿炒飯、豬肉生菜包、雜錦拼盤 唯一一樣我哋覺得好食嘅係豬肉生菜包.....第一個上台嘅菠蘿炒飯見到真係好求其，飯炒得唔均勻！兩粒菠蘿、勁多提子乾、小小豬肉肉鬆、臘腸完！ 成碟飯，一粒肉都無收成$6x !真係$40蚊都吾會點！ ！ 雜錦拼盤$120 - 要賣相無賣相、成碟野得蝦餅係食得！ 😑😑😑 無下次！

九龍城食晏多選擇 探索之旅 會中伏？路過城南道有2間 隆姐泰國美食館泰國男女侍應 基本招呼 ……落單女侍唔太流利廣東話 有大阿姐照應住初初女侍應唔熟餐牌 汽水話要加錢$午市餐牌 飯麵餐$45 送例水 & 熱飲/汽水凍飲+3元餐牌正價嘅湯粉麵類$38 套餐$45 送汽水 & 湯 唔…… 🤔 冬瓜雞例湯~ 細碗蔥香冬瓜1細嚿 重味冬陰功湯河餐 貼咗貼紙 由$45 改 $58湯濃傑 唔香 油膩感 3隻虾 爽口但腥味 冇醃制過幾片秀珍菇 2條芫荽 河粉很特別 大大片厚身 粗糙感 可以轉金邊粉 但要加錢$湯底味似足 養養冬陰功味即食麵(唔係賣廣告)青咖喱雞飯 餐$45咖喱香濃 雞扒肉幾小件 冇薯仔 飯較硬 滋擾事項 : 店有蚊滋不滿 : 冷氣不足 目測冇開晒

成日都嚟㗎啦不過今次就坐咗係佢個新分店.我幾鍾意佢上菜速度頭,唔會逐碟逐碟食完先上或者一次過上晒嚟其中一樣最吸引我嘅嘢就係佢個鴨絲船河,又平又好味次次我都會飲晒佢啲湯冬陰公OK，偏甜啱香港人口味.自己就鍾意再辣d佢個蒜蓉包係淋身個牛油面係脆嘅我男朋友就好鍾意我自己就errr 我鍾意硬+crispy個姐姐都好Nice會提我地有午市套餐所以我哋帶咗個6咖喱飯👍🏻抵!姐姐好Friendly +有禮貌👍🏻

想食泰國菜，驚金寶太多人，所以就行多條街搵隆姐啦，呢間鋪夠光猛，亦都無舊鋪咁窄，坐得係舒服d,但服務就認真一肚氣，我應該唔會再黎...1. 張chair 仲有d餸係度，明顯係執得唔乾淨，咁我就叫佢攞塊紙巾🧻抹抹，侍應居然攞抹枱布去抹，我心諗，你塊布一日都唔知抺過幾多餸頭餸尾，咁油又dirty.坐完我條褲都唔使要啦.....而且抺完成張chair都係濕...點坐呀，我唯有自己用紙巾再抺過. 呢樣野亦令我聯想起佢地嘅衛生方面...2. 叫人落order,侍應A話等陣，點知轉頭又唔記得左走左入去廚房，侍應B同C又一齊執同一張枱，而侍應D就拖地，雖然只得4台客，但都唔使唔理客人做自己野架，基本無侍應聽到你叫落單咁...唯有自己走去佢面前落單...真係笑左.....3. 野食不過不失，炒菜最好味，有鍋氣，海南雞最差，煮太舊肉太老，雞皮又同肉分開左，唔知算唔算係唔新鮮呢

沒錯，瓶子細細個就聽過佢個名。食泰國料理，就是人多好辦事。鑑於友人們平日都是吃仙女餐，兩三人吃泰菜，並不過癮。這回集合了五人，大家也是泰菜愛好者。朋友，感情愈深厚，聚會時遲到愈嚴重。先來取位置，點了飲料和青木瓜沙律。原個椰青，很清甜甘香，喝光椰青水後，能吃掉椰子肉。等待，是件漫長的事。忍不住，點了兩客蒜蓉包。蒜蓉包烤得香脆，塗滿牛油及蒜蓉醬，撒上香草提味，咬下香脆爆出蒜蓉香。~~~One eternity later~~~人齊了，能進食了。沙嗲串燒－豬牛雞所提供的沙嗲汁不吝嗇，夠吃六串。雞肉最嫩滑，豬肉最多肉汁，牛肉最入味。小食拼盤－炸魚餅，炸蟹餅，炸春卷上桌時微熱，不會燙口，安心食用。很貼心的剪細份，容易分享。咖哩軟殼蟹原隻軟殼蟹，炸得香脆，黃咖哩汁濃郁，微甜不辣，以蒜蓉包沾著吃最合適。

吃泰國菜多光顧隆姐，看到它開了新分店，專程去試一下。等位子有點久，但是服務有點混亂，出現入錯單及漏單的情況，經常上菜食物，連帳單都出錯，這點需要改進一下。但上菜的速度挺快的。【沙爹串燒（豬和雞）】燒得香口，不太油，沙爹汁惹味不辣。【泰式蠔仔煎蛋】至愛這個，吃了起碼一半。蠔仔粒粒飽滿，蛋煎得甘香，蛋味濃郁，厚而不實，軟軟的口感搭配粒粒的蠔仔，超好吃!【泰式生菜包】生菜不算太脆身，裏面的肉碎有點點辣，挺開胃。【泰式炒金邊粉】炒得乾身有鑊氣，蝦肉結實，金邊粉酸酸甜甜的，很容易吃了一大半。【泰式柚子沙律】柚子超多超足料，加上花生的配搭，爽口無比。【泰式鳳爪】超辣，如果不太吃辣的人完全吃不到。鳳爪的口感都挺爽身。

黎到九龍城，大家都會諗起食泰國菜，當中有好多出名既泰國餐廳，其中一間就係～～隆姐泰國美食店。小編同朋友叫左幾款泰國美食，有飛天通菜，串燒，炸蝦餅，海鮮炒金邊粉。飛天通菜，味道香辣，通菜食落去有淡淡蝦醬味道，好好食，至於串燒，試左豬牛雞，串燒燒得不太乾，配合沙嗲醬汁，味道可口，最後是炒金邊粉，材料充足，有大量魷魚，蝦，芽菜及韭菜，金邊粉亦炒至乾身，整體食物方面，小編好滿意，味道亦有泰國風味。接著環境方面與泰國餐廳裝潢一樣，都係長方枱配椅子，地面整潔，不太焗。

本來諗住去九龍城街市食午餐，但要等好耐，所以就喺附近搵嘢食，之後就去咗隆姐泰國美食店。環境：門口跟OpenRice的相片有點不同，好像裝修完，店內好新淨好企理。食物：泰式生蝦 $88～一碟有六隻，蝦身爽口彈牙，醬汁好味道，六隻略嫌不夠。Lunch set : 鴨肉湯河$45~湯底很濃，鴨肉軟硬適中，河粉係濕炒的河粉，口感比較厚實，不是我喜歡的類型。Lunch set：冬陰公湯可$58～湯底比想像中清，但酸辣度適中，河粉係濕炒的河粉，口感比較厚實，不是我喜歡的類型。跟餐的飲品，比較細杯，大約200ml服務：店內主要是泰國人，比較笠囉及有些亂，走單後重複兩次都仍然漏單。價錢：午餐價錢同一般茶餐廳差不多，都算抵食。*整體來說，如果附近經過，想食一個普通的午餐，算係一個不錯的選擇，但專誠再來的機會應該不高，因為食完後感覺很口渴，可能味精重手了，而且九龍城食泰國菜有很多不同的選擇。*

上菜又慢又亂，一上上個炒棷菜，半個鍾之後就上個蒜蓉包，等到個包凍哂都仲未有個咖哩，追左三次，生蝦先有，到咖哩到個包又凍要反熱。味道一般，咖喱太salty，菜太老，冇心機再叫，去食糖水好過。

平時去九龍城都開去小曼谷，今次係朋友的帶路下黎左隆姐，我地去左南角道，有好幾間隆姐，間間都滿曬人，超級好生意呢間應該係新裝修 好新淨 超多人 前後叫咗幾樣餸冬陰公湯味道偏酸一啲都唔難 不過第一道菜來講酸酸地好開胃 但係唔算正宗的冬陰公味道唔夠農明明叫咗咖喱青口唔知點解嚟咗咖喱蜆⋯⋯咖喱味好有椰汁味一啲都唔辣青口就冇乜特別 都係咁上下但係呢份蜆就好細份 得嗰幾粒一人兩粒都無晒呢碟炒通菜炒得幾好不過又係嗰句冇乜味 同埋好細份木瓜沙律點解唔係第一道上嘅菜？食到一半先來上沙律怪怪的🤨不過爽口 呢個都幾滿意如果可以加番啲芒果就超正呢個醬汁同啱先嗰個咖喱青口其實一樣但係個麵包烘得好脆 好好食啲面包加埋啲汁一齊食真係perfect!呢個係咖哩豬 豬肉做得好嫩成晚最好味就係呢個最後黎左條炭燒烏頭魚🐟雖然佢打開晒雨皮就係一雜芫荽不過都掩蓋唔到佢陣腥味但係加埋佢啲醬汁就劈咗啲味都係非常之唔錯的總括而言咁餐飯還可以，認為性價比唔係特別高嘢食比較細碟 而且價錢偏高