金蘭花泰國菜館

營業中

休息中

今日同上司兩個落左九龍城食泰國野，呢間金蘭花系佢揀既，話黎過幾次覺得幾抵食，我當然唔會有意見啦。沙嗲串燒豬，牛，雞售13蚊一串，首先沙嗲醬汁偏香甜，非常香口，同串燒果種惹味醃料好夾，牛肉幾好食，香得黎又幾有肉味，而且唔乾身，味道唔錯!呢個系餐廳其中一道招牌菜，以鹹蛋黃醬加洋蔥，紅椒等配菜爆炒開邊大頭蝦，蝦殼同蝦肉滿佈惹味蛋黃醬，香甜中又帶鹹香，味道一流，醬汁用黎伴飯都幾好食。鹹魚炒通菜幾有鑊氣，通菜散發陣陣鹹香味，幾有風味。通菜算系幾嫩，食落幾爽口清脆。椰汁冰系泰國菜既經典飲品，當然不能不試。椰奶味相當濃郁，質感幼滑，冰涼清爽好有夏日感覺。