影片
更多
2018-05-08
60 瀏覽
身邊朋友成日向我推介倫哥，因為又好食又抵食！ 前晚終於同男朋友黎食！！我地一坐低，店員就好快咁拎前菜同自助調味架比我地，前菜有兩碟一碟涼拌木耳，另一碟係涼拌四季豆(微辣), 酸酸辣辣咁相當醒胃！之後店員就上生果盤😳名叫風山水起😂😂佢地話生果應該係餐前進食的！適逢餐廳周年紀念，餐廳特意送上呢一碟象拔蚌刺身😆😆象拔蚌刺身好新鮮喔，輕輕沾壽司醬油食已經好好味！跟住上既係鮑你上位!鮑魚煮到有酒樓水準(男朋友話😆) 食到唔記得影底🤫之後就到雞煲！我地選左小辣，個人覺得可以再食辣的，下次要叫中辣！ 雞煲上枱時未熟的，要每兩分鐘打開撈一撈，大慨4-5次咁就食得！ 隨雞煲仲有一碟牛百葉，水魷魚，係比我地差不多食到一半雞既時候加入鍋煮！ 雖然雞煲份量唔算太多（可以任加的），但食完都開始有小飽既感覺, 所以我地無追加,因為要留肚大戰海鮮火鍋 🦐🦀🦑🐚到期待已久既海鮮火鍋啦！！店員幫我地收起雞煲轉火鍋湯底，呢點真係太好（成日覺得雞煲加湯打邊爐勁肥）火鍋湯底係時令水果湯，聽落好似怪怪的，不過飲落清清地配海鮮一流，因為唔會遮左海鮮的鮮味！ 海鮮拼盤份量勁多，有蟶子皇，象拔蚌，生蠔，肉蟹，龍躉片，脆肉蚖魚，海蜆，
我地一坐低，店員就好快咁拎前菜同自助調味架比我地，前菜有兩碟一碟涼拌木耳，另一碟係涼拌四季豆(微辣), 酸酸辣辣咁相當醒胃！
之後店員就上生果盤😳名叫風山水起😂😂佢地話生果應該係餐前進食的！
適逢餐廳周年紀念，餐廳特意送上呢一碟象拔蚌刺身😆😆象拔蚌刺身好新鮮喔，輕輕沾壽司醬油食已經好好味！
跟住上既係鮑你上位!鮑魚煮到有酒樓水準(男朋友話😆) 食到唔記得影底🤫
之後就到雞煲！我地選左小辣，個人覺得可以再食辣的，下次要叫中辣！ 雞煲上枱時未熟的，要每兩分鐘打開撈一撈，大慨4-5次咁就食得！ 隨雞煲仲有一碟牛百葉，水魷魚，係比我地差不多食到一半雞既時候加入鍋煮！ 雖然雞煲份量唔算太多（可以任加的），但食完都開始有小飽既感覺, 所以我地無追加,因為要留肚大戰海鮮火鍋 🦐🦀🦑🐚
到期待已久既海鮮火鍋啦！！店員幫我地收起雞煲轉火鍋湯底，呢點真係太好（成日覺得雞煲加湯打邊爐勁肥）火鍋湯底係時令水果湯，聽落好似怪怪的，不過飲落清清地配海鮮一流，因為唔會遮左海鮮的鮮味！ 海鮮拼盤份量勁多，有蟶子皇，象拔蚌，生蠔，肉蟹，龍躉片，脆肉蚖魚，海蜆，馬刀貝同海蝦！全部海鮮都好新鮮同清潔得好乾淨！除左頭四樣之外，其他海鮮係可以無限refill🤭🤭名副其實食海鮮可以食飽飽！ 食完個湯底勁鮮甜呢！另外，仲有好彈牙同足料既自家手打蝦滑同墨魚滑， 手切新鮮牛肩脊（肥瘦均勻十分鮮甜,不過唔係任食），特色什丸，雲吞水餃同蔬菜籃！其實食晒餐廳提供既第一輪火鍋料已經係好飽好飽好飽！
講真出面食散叫打邊爐都未必食到咁多唔種類而新鮮既海鮮，而且用呢個價錢可以一次過食到雞煲，海鮮火鍋，鮑魚，牛肩脊，我同男朋友都覺得物超所值絕對有下次，難怪身邊朋友個個都話正！🧐🧐
張貼
