NeNe Chicken (形點 I) (已結業)

NeNe Chicken之前係韓國食過幾間炸雞，都係Nene Chicken既印象比較深刻，咁今次經過形點見到呢到有分店，就去回味一下。落單冇耐，店員就拎咗啲前菜黎，有泡菜，醃青瓜同埋醃蘿蔔。泡菜辣味比較重，幾醒胃，酚醃青瓜同蘿蔔味道偏淡，配味濃既韓國菜都好搭。我地叫咗蒜香醬油炸雞 (無骨雞件)同埋韓式手爪飯 (吞拿魚)。蒜香醬油炸雞炸雞醬油味比蒜香味突出，醬油味偏向甜味，都好有韓國特色。炸雞外皮裹住既粉比較厚，但好彩有醬油搭救。炸雞唔會炸到乾晒，食落依然好多肉汁，唔會好鞋口，幾好食。韓式炸雞通常會做得好濃味，但配埋醃蘿蔔，食到咁上下可以refresh下，爽！韓式手爪飯 呢樣野之前未食過，上枱先發現呢個菜式有吞拿魚，青瓜，紫菜，類似飛魚子既食材，同埋麻油飯。店員會比手套我地，然後我地就用手將所有食材撈均就唔可以食。第一啖食，個麻油味好出，而由於其食材都有唔同口感，青瓜爽，魚子脆，吞拿魚既肉感等等，令口感好豐富，估唔到咁好食！推薦比大家！