漁牧 (已結業)

老婆唔鐘意食魚，但就好鐘意食辣，為左要令她食下魚，呢晚帶左她去<漁牧>食烤魚，餐廳周圍都係魚的佈置，幾有特色。先點2個冷盤開下胃，糖心的醬油皮蛋口感非常軟滑，香甜爽口菜配芝麻醬清新爽口。主角當然係烤魚啦，有好多不同口味、魚的種類，我就唔太辣，所以點左微辣的回味酸辣味清江魚，湯底酸酸辣辣味，好惹味，魚份量十足，魚皮煎金香，肉質幼嫩，難得老婆食左好多魚肉，我地點左配料用個湯底做火鍋，老豆腐、原隻鮮魷筒、蟹柳，吸引湯的精華，非常鮮味。甜品老婆鐘意食紫薯驢打滾，它的甜味淡淡的，糯米皮柔軟，我都覺得唔錯。