影片
更多
2016-11-01
4993 瀏覽
自從響深圳食過大大條既烤魚之後，就一直想響香港再食番，好彩之前路過紅磡見到呢間十二味，雖然依家好似改左名，但味道依然保持水準。今次已經係第4，5次黎食，上次食午餐無點到魚，今次當然要食晚餐啦！星期六九點既晚上，平時食開既鯰魚已經售罄，咁我地就點左貴少少既江團魚，睇下平時食開既有咩分別。《江團魚+小辣 $318》等左大概10-15分鐘，期待已久既江團魚終於上場！一股香辣既味道隨即傳來！魚既上層佈滿辣椒，而配料則放在兩旁，需輕輕撥到湯中煮熟。江團魚肉質厚實，比平時食開既魚更挺身，較有咬口。魚骨真係唔多，而且骨比較大條，即使放到口中亦容易發現，所以呢條魚非常適合怕食到骨既朋友。小辣既湯底亦做得非常適合唔太食得辣既我，每次將魚肉放入口中前，我都會將魚浸到辣湯中約5-10秒，令每口魚肉都帶有辣香，十分惹味！《蓮藕$20》強烈推薦大家點蓮藕片，我同朋友都大讚非常好食！生蓮藕片經過10分鐘後變得入味但仍十分爽脆，藕片切得較薄所以容易咬開。《嫩豆腐 $16》豆腐質感嫩滑，但放置湯中太耐既話容易散開，需要用湯匙協助先唔會散開。《麻辣牛𦟌 $48》呢碟涼盤既感覺比魚更辣，牛𦟌上佈滿辣油，食落口感煙軔，下酒
今次已經係第4，5次黎食，上次食午餐無點到魚，今次當然要食晚餐啦！
星期六九點既晚上，平時食開既鯰魚已經售罄，咁我地就點左貴少少既江團魚，睇下平時食開既有咩分別。
《江團魚+小辣 $318》
等左大概10-15分鐘，期待已久既江團魚終於上場！一股香辣既味道隨即傳來！魚既上層佈滿辣椒，而配料則放在兩旁，需輕輕撥到湯中煮熟。
江團魚肉質厚實，比平時食開既魚更挺身，較有咬口。魚骨真係唔多，而且骨比較大條，即使放到口中亦容易發現，所以呢條魚非常適合怕食到骨既朋友。
小辣既湯底亦做得非常適合唔太食得辣既我，每次將魚肉放入口中前，我都會將魚浸到辣湯中約5-10秒，令每口魚肉都帶有辣香，十分惹味！《蓮藕$20》
強烈推薦大家點蓮藕片，我同朋友都大讚非常好食！生蓮藕片經過10分鐘後變得入味但仍十分爽脆，藕片切得較薄所以容易咬開。《嫩豆腐 $16》
豆腐質感嫩滑，但放置湯中太耐既話容易散開，需要用湯匙協助先唔會散開。
《麻辣牛𦟌 $48》
呢碟涼盤既感覺比魚更辣，牛𦟌上佈滿辣油，食落口感煙軔，下酒一流！所以我同朋友都忍唔住飲左兩枝青島！
張貼
