影片
更多
2018-09-26
1334 瀏覽
今晚食烤魚，朋友帶左我去呢間叫金仔，餐牌有呢D。烤魚有魽魚或者烏頭選擇，我地揀左魽魚，因為比較少食。泡椒魽魚 （中 size) $188魽魚英文叫 cat fish , 可能因為佢有鬚，亦可能佢係貓最鐘意食的魚，等我得閒 google 吓有冇典故先。魽魚先煎香表皮，裡面啖啖肉無乜骨。肉質唔算嫰滑，但配上泡椒汁，香口配料如洋蔥、芹菜、芽菜、芫茜等，應有盡有絕不馬虎，少少辣又夠重口味，都唔錯架。兩個人食一條中 size , 唔多夠，如果大食朋友可能要叫大 size 。四餸清湯紅薯粉（牛丸+蟹柳+生菜+豚腩片）$59仲叫左碗四餸紅薯粉，加入烤魚入面食。其實所有配料都係好普通的貨式，賣成六十咁滯，感覺搶錢。但朋友話咁叫法係平過點火鍋生料，仲可以試多幾款喎。都有D道理，明顯係慳家的人........將D餸同薯粉加入烤魚內滾兩滾，沾上泡椒魚汁，即時美味提升，吸引左好多。可樂$7 一罐，ok 啦。有卡位，冷氣足。衛生一般，D餐具全部要自己洗吓。服務冇乜，上菜亦唔算快。呢一餐剩惠$260左右， 八分飽，不過不失啦⋯⋯
烤魚有魽魚或者烏頭選擇，我地揀左魽魚，因為比較少食。
泡椒魽魚 （中 size) $188
魽魚英文叫 cat fish , 可能因為佢有鬚，亦可能佢係貓最鐘意食的魚，等我得閒 google 吓有冇典故先。
魽魚先煎香表皮，裡面啖啖肉無乜骨。
肉質唔算嫰滑，但配上泡椒汁，香口配料如洋蔥、芹菜、芽菜、芫茜等，應有盡有絕不馬虎，少少辣又夠重口味，都唔錯架。
兩個人食一條中 size , 唔多夠，如果大食朋友可能要叫大 size 。
四餸清湯紅薯粉（牛丸+蟹柳+生菜+豚腩片）$59
仲叫左碗四餸紅薯粉，加入烤魚入面食。
其實所有配料都係好普通的貨式，賣成六十咁滯，感覺搶錢。
但朋友話咁叫法係平過點火鍋生料，仲可以試多幾款喎。都有D道理，明顯係慳家的人........
將D餸同薯粉加入烤魚內滾兩滾，沾上泡椒魚汁，即時美味提升，吸引左好多。
可樂$7 一罐，ok 啦。
有卡位，冷氣足。
衛生一般，D餐具全部要自己洗吓。
服務冇乜，上菜亦唔算快。
呢一餐剩惠$260左右， 八分飽，不過不失啦⋯⋯
張貼
