豐信餃子店

營業中

休息中

同朋友1810到門口，要等5張枱，好在一早用電話係1750拎咗飛，等到1830就入得去食。椰菜鮮肉餃7隻$38 ， 煎餃加$2芝士粟米鮮肉餃7隻$43，轉邪惡金沙餃加＄16。椰子海帶鮮雞豬骨濃湯，淨湯$15。雖然牆上面寫住煎餃製作需時要等15至20分鐘，但落完order 都唔需要10分鐘就上枱。煎餃一上枱即食第一隻都唔係好脆，食到第4隻時候開始變淋。餡料飽滿，調味足夠，芝士有流心狀態。金沙餃表面俾咸蛋黃漿包住，淋晒又係唔脆。湯帶有好香濃椰子味而且味道又唔會太咸，飲完唔會好口渴。