牛角日本燒肉專門店 (大埔超級城C區)

營業中

休息中

想食燒牛肉又覺肉赤，閒日下午茶時段嚟食有七折，不過加一要用正價計，實際係全單八折，都抵過食正價。叫咗嚴選六品燒肉盛合，同燒肉定食 C 餐，大包圍牛舌腸、豬頸肉、牛舌、肩脊肉、豬肉、雞腿肉同丹麥皇冠豬扒。最鍾意食牛舌同雞腿肉，好嫩滑；牛舌腸只係食咗少少，鹹過頭頂唔順。枱面放咗幾樽調味料，潷咗少少點嚟試吓，都係唔點醬食最好，其中有隻黃色醬勁鹹，怕怕。跟餐沙律的菜爽口，唔見有啡邊，可以少啲醬汁就好喇，六品盛合個牛角飯有好多紫菜，調味適中，略嫌飯身黏度低。餐飲熱咖啡喺開飯中途送上，趁熱飲啖，係日式炭燒風味，等到食完飯先飲，味道會冇咁好。欣賞店員服務有禮亦周到，讚呀。