牛極 (大河道) (已結業)

之前聽朋友喺分店食過牛極話性比價高，疫情下已經好少岀去堂食，咁岩今日經過荃灣見到所以試下..買餐原來可以任添白飯沙律同湯，呀媽知道已經即刻話抵食叫我快啲入去 😅其實有舊牛比你又任添咁多樣野價錢真心唔貴！ 自助販賣機買完餐後自己揾位座，櫬店員仲準備緊，先岀去一人拎一左份白飯湯同沙律菜！仲有圍裙提供以免被汁彈親非常貼心！好快石板燒肉到, 自己燒真係無得輸😛 石燒其實有個好處! 牛肩扒同牛柳本身砌開係生，好似呀媽喜歡比較熟而我就喜歡七成的話，一人一塊石自己想幾熟就燒幾耐唔使煩！大家食扒都知配有沙律菜即刻無咁膩，加上白飯又可以飽肚，其實幾滿足！順帶一提如果湯唔岩口味都有檸檬水提供架 😉