Chef's Cuts

營業中

休息中

呢排去黃金海岸食野多因為聽朋友介紹嗰度除咗個美景令你好難忘，亦都係各國美食聚集地！今次去呢間餐廳裝飾好特別全部都係用唔同既酒樽作牆面裝飾！充滿藝術感內裏間隔非常舒服客人坐嘅位置亦都相當闊落！重點係成間餐廳充滿海陸歐式風格，顏色眼睛可以好放鬆！講番食物先，真係試左佢既芝士水牛蕃茄，配料有蕃茄碎紫洋蔥碎，仲有佢嘅秘製醬汁配上洋蔥，青瓜粒，食落去非常清新番茄甜度啱啱好！芝士亦都好突出同蕃茄味道好夾！再配上香草碎味道,層次又再提升咗！之後當然叫咗個六成熟牛安格斯，味道非常難忘好好食，秘製肉汁食完好開胃，配上蕃茄中和油膩感！生熟度啱啱好六成入面偏酒紅色，軟硬度岩岩好！之後再叫咗個黑松露薯條小食代替米飯☺️薯條配上黑松露係非常配！配上特製醬汁點薯條味道更加昇華！