Happy Valley Bar & Grill

營業中

休息中

環境2分：好有外國酒吧feel，同埋側邊大部分都係外國人，牆上掛住部電視一直都係播緊運動節目，從未停過。可能外國人比較大隻，而枱與枱之間都比較迫，所以真係好迫好迫，得兩分。 衛生3分：酒吧嚟講都算係咁，唔算太污糟，可以有三分。 服務4分：侍應生大部分都要講英文，但簡單食物同啤酒都唔係太困難。佢地會主動問你要唔要嘢飲同要嘢食，其實都算非常之主動，可以有四分。 味道3分： 1)      因為見到有隔離餐廳個menu，所以就叫左隔離餐廳啲啤酒試下，三個女仔試咗三款啤酒，全部都非常之夠凍，係解熱之選。       2)      塊牛扒叫左medium，我嫌過熟，但係牛扒冇被梳打粉醃到無味，都算有牛味，但有少少硬。 3)       伴碟啲薯條，番茄同粟米就不過不失，有三分。 抵食4分：三個女仔食兩個牛扒餐，份量就啱啱好，唔使150蚊就有份牛扒餐，酒吧嚟講都算抵食，所以有四分。