牛極 (好順利大廈) (已結業)

食過幾次，係牛迷嘅簡單常餐， 午餐外賣超級抵食。 餐廳有豬、雞、牛、 羊、鰻魚，肉食大包圍。 款款新鮮，款款吸引。牛肩排 $85咪睇佢係最平，食起上嚟 都好有牛味，好有咬感。 店員好細心， 上菜好快。又盡力避免牛汁反彈。 聽到石板燒嘅「吱吱」聲， 真係好興奮，好開心。牛柳 $115鋪頭推介，梗係要試。要不時反轉下，食幾多切幾多係最好嘅。 石板嘅熱度有限，唔會將肉煎到好燶。 由得佢自己煎耐d, 我覺得賣相仲吸引！湯 （自助free）超開心，大大嚿牛肉連筋。 D筋超腍，咬落去係黏口嘅。今餐吸收咗好多骨膠原😋 個紅湯又好味，又唔會好油膩。 加埋洋蔥青紅蘿蔔，真係好健康。 飲咗兩碗。沙律菜（自助free）雖然款式唔多，不過相比起一般餐廳嘅鋸扒餐，蔬菜量自行選擇，份量可以十足。飯（自助free）牛肉同飯真係好襯。雖然無薯蓉，但係白白飯任裝，肯定可以滿足大胃王。