影片
更多
2023-02-27
153 瀏覽
去到餐廳比想像中細。一早預約左，去到無得坐打卡位，預約時無問我哋，唔緊要啦，當食餐飯。見到有人走問可唔可以坐，又話有人預約咗。之後又有人走，張檯都吉左半個鐘，都無人坐。如果大家想坐打卡位，記得預約時講明。講返食物，質素真係唔掂。蟹膏蟹肉意粉，蟹肉少到搵唔到，一度搵咗勁耐都見唔到蟹肉。似用罐頭但撈勁少。蟹膏睇唔到，可能意粉汁溶咗？ 有蟹子、菇。$168 真係有點搵笨。個早餐一格格$138 ，有菜、車厘茄、玉子、蓮藕、牛油果、雞翼、牛角包一個，茄汁豆、碎腸。全部都唔好食….牛角包較正常🫠落單嘅時候講咗甜品叫起，我哋仲食緊主菜一半嘅時候已經上晒兩個甜品。大佬心太軟點可以咁早上？講返心太軟切開都冇流心，味道都似係買返來急凍嗰啲感覺。另外朱古力蛋糕偏甜但正常。飲品方便，咖啡是ok的。坐左1.5小時，突然話預約嘅客人到咗叫我哋離開。問題係完全冇同我哋講過有限時，都係非常突然間叫我哋埋單，即走。措手不及！如果一早講有限時係冇問題，咁樣大家都會好啲，突然叫我哋埋單走，感覺好差。重點係當時餐廳都仲有兩張吉檯，可能都有人預約啦！總之呢間餐廳真係令人失望，食物、服務都差。整體體驗差。如果只為打卡唔介意服務同
去到餐廳比想像中細。
一早預約左，去到無得坐打卡位，預約時無問我哋，唔緊要啦，當食餐飯。見到有人走問可唔可以坐，又話有人預約咗。之後又有人走，張檯都吉左半個鐘，都無人坐。如果大家想坐打卡位，記得預約時講明。講返食物，質素真係唔掂。
蟹膏蟹肉意粉，蟹肉少到搵唔到，一度搵咗勁耐都見唔到蟹肉。似用罐頭但撈勁少。蟹膏睇唔到，可能意粉汁溶咗？ 有蟹子、菇。$168 真係有點搵笨。
個早餐一格格$138 ，有菜、車厘茄、玉子、蓮藕、牛油果、雞翼、牛角包一個，茄汁豆、碎腸。全部都唔好食….牛角包較正常🫠
落單嘅時候講咗甜品叫起，我哋仲食緊主菜一半嘅時候已經上晒兩個甜品。
大佬心太軟點可以咁早上？講返心太軟切開都冇流心，味道都似係買返來急凍嗰啲感覺。另外朱古力蛋糕偏甜但正常。飲品方便，咖啡是ok的。
坐左1.5小時，突然話預約嘅客人到咗叫我哋離開。問題係完全冇同我哋講過有限時，都係非常突然間叫我哋埋單，即走。措手不及！如果一早講有限時係冇問題，咁樣大家都會好啲，突然叫我哋埋單走，感覺好差。重點係當時餐廳都仲有兩張吉檯，可能都有人預約啦！
總之呢間餐廳真係令人失望，食物、服務都差。整體體驗差。如果只為打卡唔介意服務同食物質素就去啦。相信有更多更好嘅餐廳選擇。
張貼
