我鐘意 (已結業)

相約好姐妹星期五HAPPY GATHERING，選擇左呢間地點比較清靜既AMO LA，鍾意佢裝修簡潔明亮，座位寬敞，MENU選擇亦多。除左意粉、PIZZA、RIBS之外，餐廳仲提供多款餐湯、甜品、飲品等選擇(例如木糠布甸、格仔餅、花茶、QQ咖啡…)，很吸引，3 COURSE DINNER SET大約HK$100，亦可自由選擇配搭晚餐。“忌廉蘑菇湯”有驚喜，入口可食到香濃蘑菇味及粒粒質感而不漏，正宗西式餐廳煮法，味道恰到好處。“煎三文魚、鴛鴦意大利粉”黑、白兩色意粉賣相來說頗特別，原以為黑色係墨魚味，但原來不是，兩色意粉味道上好像分別不大。入口稍稍偏硬的麵質屬正宗西式煮法，蕃茄汁偏乾身，酸甜適中很開胃，如果份量多返少少更好 (可能當天比較餓=P)另外幾IMPRESSIVE既係上咖啡時還會送上一塊曲奇餅，感覺很細心。最後ORDER左木糠布甸做飯後甜品，入口甜而不漏，味道很好，幾乎想ENCORE，推介一試!整體來說，與朋友都很享受呢餐飯，欣賞餐廳安排每張檯之間有一定距離，保留了一定的私人空間，客人在這裏可以放心聊天! 下次有機會帶埋老公黎試下。