蟹家鉄板燒 (已結業)

午市套餐抵食又好味，可惜服務差， 經理勁趕客! 鐵板燒落單後一個鐘都未有得食，侍應都在道歉，經理連行埋黎都唔敢，最後只講人客太多，一句唔好意思都冇! 等左50分鐘之後，個侍應先至問改唔改另外一個餐，連隔離檯兩位太太都抱不平同個侍應講"你宜家先同人地講?遲唔遲d 呀？!!!" 埋單時經理話全單9折，我朋友灰氣話，唔洗喇，以後都唔會再來，我同左經理講9折我要，但因為趕返工，由朋友代埋單，之後先發現我地10個餐只折左1個! 咁都算，之後一日因為一早約左家人再去，經理認得我，我笑笑口話阿經理你尋日又話全單9折，結果只折一個餐，你今日要補返俾我!勢估唔到，佢話:你個朋友話唔要吖嘛，以後都唔黎丫嘛，我咪唔俾囉，講真佢咁態度咁壓落黎，我都唔想再做佢生意!!!! 我真係O 晒嘴，OK 你咁唔稀罕我地d 生意，咁咪唔黎囉!!!