影片
更多
2019-03-20
751 瀏覽
Ecriture喺法文係解作writing，筆者朋友就將佢譯成書法。唔知道會唔會偏離咗原意，但係自己覺得聽上去更寫意。書法二字聽上去可能係好刻板，但係我只可以話成間餐廳都佈滿咗驚同喜。事不宜遲，開始講下整體觀感先。景觀方面，因為家母都幾睇重個景，所以我係訂枱嘅時候註明想要張window table。好可惜，當日天陰陰仲有段時間有雨，大剎風景。 另外嘅係其實餐廳嘅景觀係俾好多棟大廈遮住咗，所以冇預期中咁靚。服務方面，可能係餐廳始終比較新，幾位侍應睇上去年資比較短。serve我地嗰個有幾個唔小心嘅位犯咗錯，隔離枱嗰個直頭連個甜品都跌咗，實在係有啲大意。如果大家對服務依個範疇係要求好高，什至難聽啲講句係吹毛求疵嘅話，可能就要重新考慮下要唔要因為佢係新上榜嘅寵兒就慕名而來啦。另外嘅係幾位侍應係介紹菜色或酒嘅時候語速好快，中間亦冇啲停頻位。可能係我英文聽力未夠好，當侍應介紹緊枝酒嘅時候係完全跟唔切，只可以捉到一兩個palate note嘅keyword。而去到介紹前菜嘅時候直頭係跟甩咗。食物方面，唔計甜品嘅話小弟會俾8／10。計埋甜品我就寧願唔俾分，唔想去破壞依一個體驗。食物創意同處理上都做得好
事不宜遲，開始講下整體觀感先。
景觀方面，因為家母都幾睇重個景，所以我係訂枱嘅時候註明想要張window table。
好可惜，當日天陰陰仲有段時間有雨，大剎風景。
另外嘅係其實餐廳嘅景觀係俾好多棟大廈遮住咗，所以冇預期中咁靚。
服務方面，可能係餐廳始終比較新，幾位侍應睇上去年資比較短。
serve我地嗰個有幾個唔小心嘅位犯咗錯，隔離枱嗰個直頭連個甜品都跌咗，實在係有啲大意。
如果大家對服務依個範疇係要求好高，什至難聽啲講句係吹毛求疵嘅話，可能就要重新考慮下要唔要因為佢係新上榜嘅寵兒就慕名而來啦。
另外嘅係幾位侍應係介紹菜色或酒嘅時候語速好快，中間亦冇啲停頻位。
可能係我英文聽力未夠好，當侍應介紹緊枝酒嘅時候係完全跟唔切，只可以捉到一兩個palate note嘅keyword。而去到介紹前菜嘅時候直頭係跟甩咗。
食物方面，唔計甜品嘅話小弟會俾8／10。
計埋甜品我就寧願唔俾分，唔想去破壞依一個體驗。
食物創意同處理上都做得好好，只係份量較細。
可能女仕們會啱啱好，但係男士們一齊食飯嘅話，不妨試下佢個5 course，成個流程慢啲更易飽肚。
係時候講下每一道菜。
兩個amuse boche用嘅食材都好特別，處理手法都比較少見，係到就唔劇透。
佢的而且確係完成到amuse我地依個任務。
前菜係amaebi，譯就譯做甘海老，但係個size就似係甜蝦多啲。唔知道係我一直都有個錯誤觀念定係真係用大細嚟區分，有機會嘅話指正下我唔該哂。
道菜用咗beetroot去襯托返個蝦，本身以為兩個個甜唔會夾，加上一個黏口，一個爽口，會唔會太複雜。
反而幾有驚喜嘅係正正就係紅菜頭個爽口嘅感覺搭到蝦個黏口，加上廚師將個紅茶頭切得好薄，令到佢唔會喧賓奪主。
唔會搶到蝦個鮮甜之餘，亦唔會月明星稀令到自己完全失色。
可惜就係份量比較少。
主菜就係個Game pie。得意嘅係餐廳標明用嘅真正野生打獵得返嚟嘅肉，所以入邊有機會會有彈殼或係碎骨。
抽到前者嘅話，可能係你吉日都唔定。抽到後者嘅話，記住同返餐廳講啦。
係落單之先，我有問過實質上用咗邊幾種肉，冇記錯嘅話係Venison同veal，再加foie gras，
但係唔知會唔會因為季節轉變而換食譜什至係成份menu換，所以大家見到依道菜嘅時候又唔怕食到啲奇奇怪怪嘅肉種嘅話真係可以試下。
先講出面層pastry，我個人好滿意。佢冇因為內層嘅肉好多汁而變軟，唔知係咪因為佢個pie頂有個窿，所以有個咁嘅效果，無論如何個外層值得一讚。
入邊嘅肉亦處理得好好，口感分明之餘仲可以食得出係邊兩種肉。味道亦唔會話太淡或太咸。
淨低個foie gras未曾提及，可能係我本身自己對內臟係有份說不出嘅偏好，我嘅意見可能會有偏頗。
但係不得不讚嘅係佢仲係好軟身但係仍然有咬口，個油香亦都好足夠。亦係因為咁先覺得冇將個皮整淋先係廚師功架所在。
本身以為個game pie一係就會焗淋個皮，一係就焗乾啲肉，但係依兩個尷尬場面都冇出現到，真係值得一讚。
去到甜品環節，本身我就唔係一個好嗜甜嘅人，對甜品要求相對上亦比較低，但係幾個甜品得一樣係好食…
先講menu上有嘅Japanese yuzu，我本來以為佢會係用返柚子嘅形態，或者最基本係用柚子做主體去呈現依道甜品。
但係事與願違，佢將貶作一介配角，仲要一套爛片嘅配角。
試想下搵咗Gary Oldman 嚟做TBB啲八點檔，嗯，希望你想像到個弔詭之處。
我個睇法係佢想表演好多嘢，但係將所有嘢炒埋一碟唔係一個合適嘅手法。
總括而言，眼高手低。
下一個係Chocolate cake with cognac，其實冇咩地方值得着墨。
提下大家，唔鐘意重酒味嘅就唔好叫佢落哂，佢個份量都幾多下，
家母就係因為咁就俾咗佢嗰份我。
之後平平無奇嘅一件pastry反而係咁多甜品入邊最出色。
牛油同糖，加上師傅手勢，已經係個好好食嘅甜品。
依份Kouign amahn個頂除咗會話有藝術感之餘，佢都話咗俾你聽佢到底有幾多層，同埋師傅花咗幾多心思去對待佢。
但係當然佢唔會係menu上擔大旗嘅嗰位，但係蜀中無大將，單憑味道我覺得佢應記一功。
去到最後嘅蜜瓜，可能係前面太甜，去到依到亦試唔出佢到底甜唔甜。但係口感就真係同日本當地食嘅爭得有啲遠。
餐茶（可能俗咗啲唔好意思），我嗌咗杯Latte。
經過上次係Bombana嘅失落之後，我對餐廳嘅咖啡都唔抱太大期望。
依杯亦不出我所料，比較普通。
反而有趣嘅係佢個presentation，用咗個日本茶杯去表達返依間主打摻合日本食材落法式手藝嘅餐廳背後個玩味所在。
同埋佢個咖啡糖成枝lollypop咁，我當時真係當正佢係波板糖咁食，希望其他食客唔會反胃啦。
總括而言，依間米芝連兩星新寵係食物上功架可見一班，唯獨係甜品方面要再下功夫。
佢個甜品我會話同Bombana嘅一樣拉低哂成個水準。
想試嘅朋友不妨搵個春光明媚嘅weekend去試下依間餐廳，睇下佢表唔表達writings in French依個理念俾大家？
Amaebi
57 瀏覽
0 讚好
0 留言
題外話/補充資料：
記住要透過網站訂位，同埋要俾返餐牌價錢做押金。
(以上食評乃用戶個人意見 , 並不代表OpenRice之觀點。)
張貼
