茶廳 (已結業)

開咗咁耐打算黎試下，叫咗個雞絲蝦仁怡保河粉配老火湯，先講個番茄紅蘿蔔湯，味道唔濃郁應該落得多水，但應該無落味精既，好細碗，料多過湯。個怡保河粉個湯淺黃色但飲落好淡，蝦仁三隻，雞絲幾條，蝦仁都爽，雞絲無味又鞋，河粉普普通通。同行朋友叫黑椒雜扒飯，黑椒汁幾香，但雜扒份量少，只有半塊豬扒、半塊雞扒、一條香腸。總之，呢間餐廳好唔抵，一個餐68蚊，味道差過其他茶記或連鎖！