影片
更多
2018-09-02
436 瀏覽
呢一晚，落住好大雨，我同朋友係中環正準備醫肚。經過Extra Virgin既時候，覺得冇乜特別，於是正行正過左，我地再向前行，好似都冇乜心水餐廳，咁就行返去試試佢！一開始睇佢個名，以為係食素既，但細看餐牌先知，佢有魚有肉架喎。研究完一輪之後，我地點左半份Parma ham pizza，同忌廉菠菜汁魚柳意粉。*忌廉菠菜汁魚柳意粉：意粉個份量好大，魚柳有3大塊，菠菜汁就咁淋係面，賣相認真麻麻，快餐的感覺，個汁都太油膩，會濟。不過中環區呢個價錢，合理既。*Parma ham pizza：餅干底，脆卜卜，但個茄汁⋯真係好普通，係蕃茄意粉醬隻味，唔係我杯菜⋯⋯不過值得一提既係！！！比完錢要走既時候，已經差不多係10點，佢地準備收鋪，但由於雨太大，我同朋友企左係門口，個staff以為我地冇遮，特別問我地，要唔要借把遮？佢係出於關心既語氣，完全唔係要趕收鋪個種，可能係一件小事，但真係好溫馨好有人情味！要加分加分！雖然食物唔係我所愛，但為左呢份人情味，我會回訪！
經過Extra Virgin既時候，覺得冇乜特別，於是正行正過左，我地再向前行，好似都冇乜心水餐廳，咁就行返去試試佢！
一開始睇佢個名，以為係食素既，但細看餐牌先知，佢有魚有肉架喎。研究完一輪之後，我地點左半份Parma ham pizza，同忌廉菠菜汁魚柳意粉。
*忌廉菠菜汁魚柳意粉：意粉個份量好大，魚柳有3大塊，菠菜汁就咁淋係面，賣相認真麻麻，快餐的感覺，個汁都太油膩，會濟。不過中環區呢個價錢，合理既。
*Parma ham pizza：餅干底，脆卜卜，但個茄汁⋯真係好普通，係蕃茄意粉醬隻味，唔係我杯菜⋯⋯
不過值得一提既係！！！比完錢要走既時候，已經差不多係10點，佢地準備收鋪，但由於雨太大，我同朋友企左係門口，個staff以為我地冇遮，特別問我地，要唔要借把遮？佢係出於關心既語氣，完全唔係要趕收鋪個種，可能係一件小事，但真係好溫馨好有人情味！要加分加分！雖然食物唔係我所愛，但為左呢份人情味，我會回訪！
張貼
