Outback Steakhouse (已搬遷) 新店位置

12/22(Mon) 成班同事合共17人一齊嚟到食個xmas b-day lunch，當日餐廳都唔係好full，只係加埋我地有三枱超過10人。最初打電話booking至到入去坐低叫野食，整個過程d店員都好好，直至去到我地差唔多食完叫店員攞蛋糕出嚟俾我地切，足足等咗20分鐘。我差不多每隔5分鐘就問佢地可唔可以攞蛋糕俾我地，因為趕住返工，但佢地既答覆係「等等」。我都明佢地好忙，所以起初等10分鐘都算，但到15分鐘後我同佢地講趕住走，個店員同我講「我地搵另一個同事攞出嚟」。吓！唔係呱！攞個蛋糕出嚟要搵個專人攞俾我地？成間餐廳咁多人，唔通真係得一個人負責攞蛋糕出嚟？但係叫埋單就鬼咁快出到單喎！最後當佢攞到出嚟時，我地仲有5分鐘時間返公司，攪到我地淨吹爉燭同影相，就叫番佢pack入個盒攞走，真玩野！仲有食set lunch佢地可以儲印仔，十個印仔就可以下次免費一個set lunch。記得以前去食d店員都會自動送張印仔card，依家要問佢先話有，但佢交俾我地時勁冇禮貌，叫都唔叫聲就遞張card我，其實叫聲「小姐！ok 0架喇！」都得呱！更何況「多謝/多謝光臨」會聽得到？