語命Cafe (已結業)

首先食物都算貴，而且等候嘅時間亦好長，坐嘅位都好逼，平均一個人食起碼都要百二蚊，不過都算，當我要走嘅時候，我同侍應講要賣單，佢問我要唔要占卜，我都仲未回覆佢就有個所謂占卜師行左埋黎，問我要占咩，我以為唔使俾錢，就是但占學業，而佢地亦後冇提過占卜要俾錢仲要係七十蚊！仲要講嘅野好廢，講我讀書成績唔好係因為冇努力，我真係白眼，正常人都係冇努力讀書先成績唔好，唔使「占卜師」講係人都知！是但講幾句就七十蚊，事前都冇講清楚，我叫的餐最多只係八十蚊左右，你講幾句話就七十蚊，我和我朋友兩人一共就俾左五百，我覺得你地咁樣對消費者真係好唔掂，消費者起碼事先都要知道清楚啦？學生去嘅真係唔好占咩卜，揾你地笨。