德成巷仔 (已結業)

當日大雨到有遮都半身濕，諗住搵個地方食嘢，順便避下雨，見到呢間聲稱自己係老字號既德成巷仔，就入去試下。未知係咪當日維多利亞公園有大型公眾活動，一入去就話無曬下午茶餐，只有常餐！自問唔算十分揀擇既人，所以得常餐咪食常餐囉！同行友人同我都有係點餐後，同侍應反映冷氣同風扇太凍，但係講左幾次佢都無應過我地，當聽唔到然後再特登叫佢過黎同佢講話我地淋濕左好凍，可唔可以熄其中一個風扇，點知佢既回應係佢好熱，熱到出汗，唔會熄 我地唯有諗住快快食完就走！期間同場亦有其他食客反映好凍，該名侍應都仍然當聽唔到！唔知係咪有心想啲人快啲食完快啲走！食物質素只係普通茶餐廳，但係要淋完雨凍住食就係不是味兒！