德成巷仔 (已結業)

晚上7點左右搵地方食晚飯。呢頭嘅餐廳大部分都試過，就係未黎過呢間。望入去得兩張枱有人食緊，8成空。黎到都試下啦。伙計好有禮貌招呼我坐卡位，介紹有各款晚餐。如果唔鍾意可以點菜牌嗰d。我點做煎蛋菜脯晚餐包一碗例湯。湯算可以，偏鹹。炒蛋就失敗，鹹鹹鹹，好似食調味料。食左一半頂唔順走人。可以忘記嘅餐廳。

24-7-2022 (Sun)特登同老公去蓮花宮,由於距離日落重有段時間,而且天氣太熱,於是搵個地方坐住飲嘢,我哋行到出嚟,見到呢間似當舖但又唔似嘅呢間,於是行嚟睇,原來係茶餐廳,其實都驚坐得耐唔受歡迎,不過見冇乜客,於是都入去啦,見到佢嘅裝修都幾懷舊.而睇完menu,我哋就要咗:4. 熱檸水由於冷氣加風扇,所以唔飲凍嘢,呢杯正常冇問題.味道:3分3. 加$5.00嘅可樂1. $30.00嘅雙重厚多士(可選兩款:煉奶/花生醬/果占/牛油/咖央)我揀咗煉奶同咖央,嚟到睇到係好厚但都幾燶.食落,好似食唔到咖央乜滯,而幸好煉奶唔太多,又或者件多士夠厚,所以唔覺得太甜.味道:3分2. $42.00嘅德成豬扒包配薯條薯條好脆,但有啲係已經唔新鮮翻炸.味道:1.5分豬扒包我就只食一啖,佢有千島醬,豬扒唔太鹹,OK嘅.味道:3分服務:都尚算有禮嘅,不過落單時,男侍應聽到熱檸水就好似唔太相信咁.抵食係2.6分

以前仲有堂食果陣成日去食，最中意食佢個椒鹽豬扒飯，可以一次食兩個都無問題。之後禁左夜晚堂食就開始出事，服務員態度都差曬，直到尋晚再叫椒鹽豬扒飯外賣，第一轉拎返去食啲豬扒肉生既又霉。好聲好氣打比佢同佢講返想換過盒，換完返去果盒4舊豬扒有兩舊都肥膏黎，仲有一舊係半生，再打過去理論，當我係廢up咁，仲cut埋我線，問極個啊姐咩名都唔肯講，咁唔想做又做臭個朵，不如摺左佢啦，買你個飯都要行幾轉仲要受氣，以後唔會再幫襯👋🏻

灰頭髮嗰位女服務員 仍然很惡劣地服務著所有 熱愛這間餐廳的顧客。 真令人費解 老闆 似乎不在乎了。 我的朋友也開始不去了 因為其實周圍都有好多嘢食 唔需要受呢啲氣呀 香港人 態度點會咁差㗎

嗌咗杯凍檸茶完全唔夠冰， 有一位女waiter頭髮灰白 拒絕幫我加冰 仲惡言相向話要加三蚊完全挑釁性，下次幫襯正傻仔。 咁樣幫老細倒米， 對人客咁嘅態度 我都係第一次見 ，希望餐廳早日改善 ，否則一定很多人不滿服務。

平時少入天后吃東西，今天同朋友有事情做要在天后，早上一大早就入了天后，因要等侯時間，未到我同朋友约的時間，早上我們已在大家樂吃了一轉早餐，吃完，我們在天后週圍行行，但真是冇甚麼地方行，冇大型商埸，店舖又冇那麼早開門，我們決定又再找一間餐廳坐下吃，行了一會，就找了這間，雖然店舖細細，環境不錯同座得舒服，細細看了一會餐牌，我自己選了雙併三文治，我叫了火腿+厚蛋，塊火腿簿得來有點厚度有口感,，個蛋很有層次口感同滑，朋友叫了雙併麵，豬扒+腸仔，試了一口豬扒，豬扒好香濃豬味同滑身

天氣熱熱地 路過大坑，諗住食個豆腐火腩飯、就一頭栽進呢個德成巷仔，入面得1個客，我都覺得有D中伏，叫完黎左 個火腩有幾舊凍凍地、最重要個豆腐係臭㗎，服務態度都幾熱情既。

去到大坑，如果想試試吃普通的食物，可試試去有數10年歷史，由以前巷仔發展到現在的茶餐廳-德成德成每一天都有不同的午餐套餐，價錢大約40多元至50多元， 在大坑算是經濟實惠當你叫了午餐之後，他們會給你一碗足料例湯，之後便奉上主食和餐飲今天我選擇了豆腐火腩飯，男人的浪漫，當我叫完之後已經是最後一份了，還聽到之後陸陸續續有人想叫呢！真幸運再整一碟飯中豆腐只有一兩件，反之有勁多火腩，跟一般餐廳不同👍配上汁撈飯，十分滿足，加上了一杯凍奶茶（凍飲加$3）。又可努力工作

又到happy Saturday，今日朝頭早行過大坑近天后嗰邊諗住搵間早餐食下見到呢間德成茶餐廳有啲年份嘅茶餐廳，諗住可以同朋友喺度吹水，可以傾得耐啲嘅餐廳，一行二人一入到去見到裝修有啲懷舊，好似70年代感覺，我同我朋友諗住坐卡位，等咗一陣更，侍應帶咗我哋去坐卡位，好有復古嘅感覺，我同我朋友每人嗌一個餐我就叫咗個豬扒腸仔米粉，我飲茶走，另外我朋友叫咗個腿蛋治烘底嘅，朋友嗌咗杯熱菜蜜，我叫你豬扒好大塊又厚身，都幾好味，另外我朋友叫個腿蛋治，佢話啲雞蛋好香好好味。

拜完山落左大坑，間間都排隊，行山馬路邊見到呢間野，寫住1972年，老字號喎，試下囉。見佢有豬扒包，咁就叫個常餐加個豬扒包。常餐沙爹牛麵一般貨色，跟餐個餐包脆口，煎蛋有質感。豬扒包塊豬扒就薄左啲，但係都好味，再試左混醬脆豬，真係脆嘅。

今日午餐，點左個常餐，食到餐飽有餿味，見到麵包乾身，牛油明顯係搽左好耐擺過夜。叫侍應黎睇，堅稱新鮮出爐，仲要叫我「你咪擺上網囉！」態度惡劣！呢啲時勢，生意難做，但基本食物安全做唔好，侍應趕客，老闆認真自求多福。

我常常到此買外賣豬仔飽早餐。最近來了一男伙計，十分粗魯。數次將飽在微波爐過度叮熱，變成石頭般硬，不能入口。今早在電話上請他注意，他用粗言穢語駡我。這是一件不能接受的事情。這是一間不能接受的餐廳。永不錄用。

叫個普普通通既叉燒煎蛋米粉 超級難食首先佢個賣相已經夠可憐點解舊叉燒好似臘肉咁 應該係放咗幾日 或者煮完再煮樣就算 食落去又咸又乾 我從來未食過咁咁咁難食既叉燒真係太差 太失望我都唔係浪費食物嘅人 又於太肚餓 所以我都係食咗啲米粉就算 晒左個謂見到餐廳都有人食既如果大家都想試 就千奇唔好叫呢個啦

在大坑有間老字號的茶餐廳，今早和朋友特意來到試它的早餐，分別叫了它在餐牌上推薦的牛骨尾湯通心粉和沙爹牛肉麵。牛尾骨通心粉有一大一小的牛尾骨和一些蔬菜，牛尾骨煮得軟但味道沒什麽牛肉味，湯也不是太濃味。沙爹牛肉麵的牛肉嫩滑，而且份量算多，不過沙爹汁一點辣也沒有，失去了那份惹味。值得一提的是它的餐包，十分鬆軟，配湯一起吃感覺很不錯。

好耐冇黎試呢間始於1972嘅小店，最懷念佢個牛尾湯通粉，大大舊有骨有肉牛尾，個湯底係啖啖什菜嘅濃味牛尾湯，又香又美味。今早特登重臨光顧，可惜大失所望，碗通粉唔止唔夠熱，個湯底又稀又冇味，成碗只有兩小舊牛尾，應該唔會再有下次👎🏻