Mango Tree

營業中

休息中

Mango Tree 喺圓方商場開咗好耐，都食過幾次，今次就試下佢嘅午市套餐。佢嘅午市套餐可以揀兩個前菜加兩個主菜連飲品同甜品。前菜揀咗柚子大蝦沙律同埋牛肉沙嗲，主菜就揀咗招牌泰北燒雞同鹹魚炒芥蘭。柚子大蝦沙律嘅柚子都算鮮甜，大蝦嘅質素就一般，唔叫做好新鮮。牛肉沙嗲係全餐質素最好嘅一味，牛肉夠嫩，調味適中。鹹魚芥蘭正常發揮。泰北燒雞開始食第一兩舊味道唔錯，火喉剛好，不過再食落去發現近骨嘅位置啲肉唔熟。還好同侍應投訴態度好好，即刻換過一碟新嘅畀我，之後都有關心夠唔夠熟，呢樣抵讚。總括而言呢個價錢主要食地方服務，食物就一般，可能我冇揀到其他招牌食物啦。