海灣燒烤大王 (已結業)

睇咗下邊d食評，心想服務有冇咁差，去完先信原來句句屬實。其實d食物真係好一般，都係大路貨色，丸、腸、扒。風景又唔係特別靚，根本唔值佰幾蚊一個人，半價就會考慮。D服務就真係冇，唔係差，係冇。班阿哥阿姐個d負分態度真係令我冇法相信。有冇理由俾錢受氣，黃子華話你份人工一半係俾你做你老闆唔識做嘅嘢，一半係俾你受氣。所以入場費因為要包埋受氣，所以在上邊食物只值半價再減受氣半價，應該唔駛錢。受氣內容同下邊冇乜分別，所以我唔明點解燒烤大王會有正面評分！見到有會員好體量d員工，重話自己係做餐飲，我認為佢一定係燒烤大王返工。我都係做餐飲，但真係冇法體量。