Chôm Chôm

營業中

休息中

呢間新派越南野一直都係我同我朋友嘅food list度，終於有機會試！舖位比想像中細，枱櫈放得密集，企係門口都聽到裡面好嘈，其實有一刻唔係幾想入去….雖然被安排坐靠窗位置，但真係幾嘈，坐得唔舒服。餐牌選擇極少，睇完第一轉其實揀唔到有咩想食。蝦+豬米紙卷一般，D餡正正常常，蔬菜都夾口，但唔沾醬汁係完全無味嘅，好彩塊豬唔韌。個米紙皮係有D煙韌，但有D位係硬嘅…VFC呢碟炸雞翼毫無疑問係全晚嘅highlight！外層炸得好脆，而且醃料落得好多好香，裡面亦好juicy，無炸乾晒！不過真係臨門一腳，發現有一兩隻中間唔係好熟….Shaking Beef用牛柳切粒，燒得岩岩好，中間仲有少少紅，食落好淋好多汁，都好香香料味，黑椒落得重手。醬汁方面酸酸地辣辣地好開胃，下面嘅arugula沾滿D汁好好食。Grilled Corn個樣就真係好吸引，但係個粟米唔夠香唔夠甜，就算燒得咁黑都唔夠味。燒得咁靚有D浪費，建議佢用靚D嘅粟米…另外叫左一個雞沙律，果個唔提也罷。同朋友各人叫左一杯cocktail，我果杯係有薑味嘅(唔記得叫咩名)，都ok啦。其實食物整體唔係特別出色，如果餐廳係主攻飲野傾計，亦唔見得好多特別