Gastrobox The Union (已結業)

🥗精選沙律沙律菜都幾新鮮，味道普普通通。🥕廚師餐湯 - 胡蘿蔔湯味道好似粟米湯😂同埋顏色幾橙😓都幾大碗嘅。我哋食晒前菜佢先送啲餐包嚟（我哋叫佢去先拎黎😓）餐包都熱嘅。我地等咗二十分鐘先有野食送到嚟，好彩我地唔趕時間，但係午餐繁忙時間冇理由要等咁耐😓。🥗蜜桃烤雞肉配田園沙律（$65）沙侓菜同餐前沙侓嘅一樣，汁都係。完全見唔到有蜜桃🧐，雞肉都腍嘅但係冇乜味。🥩紐西蘭肉眼扒配紅酒汁（$95）竟然快過意粉嚟😅叫咗七成熟但係熟曬😪，好彩叫咗七成，同埋阿媽都食熟嘅。牛扒幾薄，但係都唔細塊，無乜渣，都腍。咁嘅價錢都算係咁。帶子卡邦尼天使麵（$78）得三片薄嘅帶子😓根本無汁同埋無芝士味，好似橄欖油意粉咁，唔算係卡邦尼意粉。但係份量都唔少嘅。🍝鮮蝦比素茄茸燴扁意粉（$69）呢碟最尾先嚟。無乜新鮮茄味，醬較甜，好明顯係罐頭🥫。蝦唔係急凍嘅，但係熟過頭，同埋得三隻😓。咖啡比想像中好味，但係奶係凍嘅。凍檸檬茶都OK。送餐時間太耐啦。食物質素普通，但係價錢算便宜，同埋環境裝飾得幾高級，服務態度都唔錯👌🏻，但係唔會特登嚟啦。