好媽媽台灣館 (已結業)

難得放假，又係出街中伏既時候，咁岩想食台灣野，就求其揀間入，點知真係伏左。先講環境，間台灣餐廳，裝修是有花心思的，木系主色營造懷舊感覺，枱面痴左有趣句子，坐落算舒服。講食物前，我想講佢既服務，未見過服務態度可以咁驚喜。想落單，個老闆聽到後行左兩步停左，我心諗:"我講得未，定等你行埋黎?(當時成間野好少人，絕對5係多人所以行5到過黎)"，點知佢見我5講野，就用眼神配合頭既上下擺動示意我落得。我當堂呆左一陣，下，我去左大排檔? 大排檔都有禮貌過你wo。於是，我只好隔好遠咁大叫落單，好撚無奈。(可能有人會覺我小器，但我覺得一間做餐飲業既店鋪，落單時對住客人，明確俾我知道係準備好落單，係基本禮貌同尊重囉。)食物方面，佢有lunch set 33蚊起，配一杯飲品，算平。 我叫左個佢地招牌肉燥飯lunch set，凍奶茶，結果，驚喜地難食。 首先，飯太軟，有少少倒汗水果隻; 肉燥淡味完全5香; 條台灣腸....凍既個芯; 滷蛋....蛋黃5知點解係啡黃色，不糖心且....凍既。 飲品方面，以為奶茶最多只係太甜，點知除左無茶味，竟然重係有香料味既，7仔買午後紅茶好過。(第一次食野，杯野飲係飲5哂就走