天外天

多謝我幾位好朋友同我慶生，疫情持續，防疫措施收緊下，無晚市堂食，只可以嚟個early dinner第一round 先試試點心 - 腸粉算係比較好，其他都唔算有太大驚喜▶️筍尖鮮蝦餃▶️椒鹽龍鬚▶️茶美豚酥皮焗餐包▶️鵝肝咸水角▶️脆皮海皇腸粉 - 用上了網皮將餡料包裹，食落口感會特別香脆👍第二round 就叫咗幾樣招牌特色中菜▶️生炒臘味糯米飯 - 講到係生炒當然要試吓，今時今日已經甚少餐廳食肆會咁做，因為相當費時。講到係廚師精選，真係做到有飯焦之餘而糯米飯亦粒粒分明▶️蜜汁叉燒 - 滿滿蜜汁香味，但叉燒略嫌過瘦，又欠點肉味，有啲失色▶️凍頂烏龍茶燻鴿 - 充滿烏龍茶香味，而乳鴿亦好夠肉，唔錯！▶️酥香焗蟹蓋 - 正所謂無比較無傷害，明閣無論擺盤甚至用上花蟹做蟹蓋已經完勝▶️脆皮炸子雞 - 講到係廚師精選，的確做到皮脆肉嫩，唯獨是欠缺肉味，但佐以淮鹽後還是好味的最後係餅房訂做了蛋糕 - 凍頂茉香茶朱古力蛋糕，完美！總結：食物嚟講只算正常水準，但服務水平同環境都值得一讚！