牧羊少年咖啡館 (香港文化博物館)

營業中

休息中

博物館或藝術館內總有一間獨市生意嘅cafe，賣嘅嘢通常普普通通，甚至我喺日本都試過食一碟勁難食用微波爐就咁翻熱嘅意粉。而呢間牧羊咖啡店不過不失，係可預計嘅質素。當日下午我要睇文化博物館嘅展覽，所以預早入去附近睇下有啲咩嘢食，點知周圍都冇嘢食，就係得呢間，所以先入去一試。侍應安排我坐高枱，我得自己一個人就冇所謂，結果我就點了個牛肉芝士牛角包會配薯條，約$80，冇嘢飲。不過呢度可以自助斟水，所以唔叫嘢飲都okay!等咗約十分鐘，食物就送到。賣相唔錯，薯條份量都夠。先食薯條，都夠脆，可惜唔夠熱。個包味道不錯，入面啲菜都新鮮，如果個包烘熱點會更好。如果喜歡食cafe類食物，都可以一試，再加上環境舒適，就算貴一點也可以。否則最好食完飯先入去睇展覽，因為方圓幾里都無餐廳。