聚賢莊川香農家菜

營業中

休息中

同同事黎食lunch，12點半過少少，3人，唔駛等位。午餐餐牌選擇唔算多，唔食雞唔食排骨既我，只可以揀牛腩麵。留意唔係牛腩湯麵，而係牛腩麵 (冷)，即係加麻醬既拌麵吧。有湯或者汽水，要左湯，今日係番茄蛋湯。好快就有湯黎，飲落有好重既醋味(?)，我同同事都覺得係醋味。酸酸地都開胃，但愈飲愈覺得飲緊醋，唔知點解… 本身番茄湯其實已經好好味，唔需要加醋吧?~ 所以覺得個湯怪怪地。個麵賣相好特別，疊到好高。份量夠食，味道唔錯。呢個價錢既話，喺呢區略嫌有啲貴。