添好運點心專門店

營業中

休息中

今日去咗添好運食點心。撞正午飯時間，不過都好好彩，唔使等即刻有位。兩個人叫咗五碟點心。鮮蝦燒賣皇傳統式燒賣，上面係加杞子，蝦、豬肉還加上肥豬肉，味道不錯，但就略嫌細粒咗啲。黃沙豬膶腸腸粉皮真係做得好薄，好通透，豬膶就稍為薄一點。家鄉鹹水角熱騰騰，好味。食嘅時候，記得要小心。酥皮焗叉燒包酥脆的表面，內裏係多汁的叉燒，好味。古法糯米雞糯米飯有啲驚喜，糯米飯一粒粒軟糯適中。至於餡料，味道是不錯的，但餡料醬汁就比較少。總括：食物仍保持到水準，上菜非常快。但枱與枱之間有點密。服務姐姐就可以更好啦。