Bistrocana

營業中

休息中

差唔多有兩年以上無嚟過赤柱，有少少懷念呢個地方，今日天氣超級曬熱到就快融，所以就同老公簡咗呢間Bistrocana餐廳試試，今次叫咗3樣嘢菜式。卡邦尼意大利粉，一嚟到個意粉勁香好多芝士碎，食落好濃郁同好creamy，意粉好有咬口食到停唔到口，值得一試👍🏻。西班牙海鮮飯，啲飯粒口感有少少硬好似risotto，同埋呢個飯裏面有魷魚、青口、蝦，味道方面食到好濃嘅蕃茄味，但略嫌有啲淡味。6隻生蠔🦪，生蠔夠新鮮唔洗刻意落任何醬汁都好好食，如果落埋其他醬汁一齊食，會帶出生蠔嘅鮮味出嚟，不錯不錯。蘑菇湯，個湯放咗啲面包粒同落咗橄欖油，食落好有口感，而個湯好濃郁嘅菇菌味超級正，好想再飲多碗🤣。